HomeSOCIEDADEFalece María Belén López Meirama, profesora da Facultade de Filoloxía da USC

Falece María Belén López Meirama, profesora da Facultade de Filoloxía da USC

O falecemento tivo lugar nas últimas horas de forma repentina

Publicado o

Por Xornal de Compostela

María Belén López Meirama, directora do Departamento de Lingua e Literatura Españolas, Teoría da Literatura e Lingüística Xeral da Facultade de Filoloxía en Santiago, faleceu nas últimas horas de forma repentina.

A Universidade de Santiago de Compostela (USC) e a facultade na que traballaba trasladan, nun comunicado, o seu “profundo pesar” por esta morte que “se fai especialmente desoladora” para a integrantes da área de Lingua Española, da que era profesora titular.

“A dedicación académica e persoal de Belén valeulle o fondo recoñecemento e afecto de discípulos e compañeiros”, subliña a universidade, quen destaca a súa carreira investigadora ao redor da sintaxe, o léxico do castelán en Galicia e as construcións fraseológicas.

Ademais, López Meirama participou en varios proxectos de investigación con colegas das áreas de Filoloxía Alemá, Española e Galega. “Foi unha docente comprometida que sempre tratou de transmitir a súa saber ás xeracións máis novas”, subliñan desde a facultade da que foi vicedecana entre os anos 2012 e 2016.

A comunidade do centro “únese á súa familia e ás súas amizades na inmensa dor provocada pola súa morte”. “Deixa en nós e na nosa memoria o seu exemplo de rigor, compromiso e xenerosidade”, conclúe o comunicado.

ÚLTIMAS

Falece o mozo que sufriu unha caída de 8 metros nun rocódromo de Costa Vella

O mozo que sufriu, o pasado 17 de xuño, unha caída de oito metros...

Sufocado un incendio no interior dun alpendre en Teo

Sufocado o incendio no interior dun alpendre no núcleo de Calo, no concello coruñés...

Isto custa ir de Santiago a Coruña e Vigo pola AP-9

Todos aqueles galegos que están acostumados a empregar a carísima autopista AP-9 como vía...

A Xunta mantén o financiamento para o novo parque de bombeiros en Amio

A Xunta de Galicia confirmou que non se oporá ao cambio de localización do...

Correos emite un selo dedicado ás Festas do Apóstolo e ao Camiño de Santiago

Correos emitiu un selo dedicado ás Festas do Apóstolo, que se celebran este próximo...

Pedro Blanco entrega as medallas da Orde do Camiño de Santiago á Policía Nacional

O delegado do Goberno en Galicia, Pedro Blanco, asistiu este sábado á imposición da...

O aluguer é o que máis tensiona o mercado da vivenda, segundo un estudo encargado polo Concello

O concelleiro de Urbanismo de Santiago, Iago Lestegás, informou este venres no pleno da...