InicioSOCIEDADECancelada a folga nas ambulancias da área de Santiago-Barbanza

Cancelada a folga nas ambulancias da área de Santiago-Barbanza

Segundo informa a CIG, chegouse a un preacordo que reúne "todos os puntos" da táboa reivindicativa e foi aprobado este mércores por unanimidade nunha asemblea de traballadores.

Publicado o

Xornal de Compostela

CIG cancelou as protestas e folgas que tiña previstas a partir desta semana no servizo de transporte sanitario non urxente da área de Santiago-Barbanza, despois de asinar este mesmo mércores un preacordo con Ambulancias Casablanca, unha das integrantes da UTE (unión temporal de empresas) concesionaria. Segundo informa o sindicato, o preacordo reúne “todos os puntos” da táboa reivindicativa e foi aprobado este mércores por unanimidade nunha asemblea de traballadores. 

Por tanto, este conflito laboral deuse por solucionado só 48 horas despois de anunciarse o calendario de mobilizacións, que incluía unha protesta para este xoves e varias folgas que arrincarían o luns, día 17 de xuño, e que se poderían volver indefinidas en xullo. O preacordo alcanzado contempla a consolidación dunha bolsa de emprego con carácter permanente e por orde de antigüidade na que se incluirán os dous traballadores despedidos e na orde no que lles correspondía.

E é que, segundo denunciaba o luns en rolda de prensa o responsable de Transportes da CIG en Santiago, Inácio Pavón, a empresa saltábase a lista e incluía nela “a familiares” dos responsables. Ademais, Pavón destaca que as medidas acordadas acabarán coa arbitrariedade, baixo a premisa de que “todos os postos estruturais” cubriranse “con persoal indefinido e a xornada completa, consolidando inmediatamente a quen non o estaba”. 

Así mesmo, o pacto contempla a posibilidade de solicitar persoal de apoio cando se precise, que os traballadores da UVI deben contar “coa titulación adecuada” e o compromiso de realizar “os mantementos, as limpezas e as desinfeccións das ambulancias e dos equipos de traballo conforme obriga a lei e baixo a supervisión da UTE”. E se garantirá a limpeza dos uniformes, un rexistro de horas extraordinarias que, ademais, pagaranse na nómina seguinte.

ÚLTIMAS

(VÍDEO) A Asociación de Pacientes do CHUS denuncia unha vez máis que o sistema de buzón para consultas vulnera a normativa sanitaria

A Asociación de Pacientes e Usuarios do CHUS, con sede en Santiago de Compostela,...

As Tanxugueiras enchen a Quintana no día grande das Festas da Ascensión

Tanxugueiras protagonizaron este xoves 29 de maio o momento máis esperado do día grande...

Atmósfera Centro Deportivo colabora con ACEM para visibilizar as enfermidades neurodexenerativas en Santiago

A tenda Atmósfera Centro Deportivo será a protagonista no mes de xuño da campaña...

O Concello facilitará a celebración de cacharelas e sardiñadas de San Xoán coa entrega de area e trámites simplificados

O Concello de Santiago establecerá este ano novas condicións para a celebración das tradicionais...

(VÍDEO) A Asociación de Pacientes do CHUS denuncia unha vez máis que o sistema de buzón para consultas vulnera a normativa sanitaria

A Asociación de Pacientes e Usuarios do CHUS, con sede en Santiago de Compostela,...

UCIN reclama melloras en servizos básicos tras visitar A Rocha Vella e outras zonas de Santiago

A formación política UCIN continúa coa súa campaña de visitas a barrios e parroquias...

Sumar Galicia reclama á Xunta que manteña o Máster en Matemáticas da USC

Movemento Sumar Galicia vén de instar ao presidente da Xunta, Alfonso Rueda, a garantir...

LEAVE A REPLY

Please enter your comment!
Please enter your name here