O alcalde de Brión, Pablo Lago Sanmartín, entregou os diplomas dos cursos de formación organizados polo Concello durante este verán. Trátase de tres cursos impartidos en modalidade de teleformación, todos eles orientados á atención dos escolares: manipulador de alimentos (10 horas), acompañante de transporte escolar (25 horas) e monitor/a de comedor escolar (35 horas).
Ao acto de entrega, celebrado no Concello, asistiron catro das sete alumnas que participaron nos cursos. Estas estiveron acompañadas polas concelleiras de Ensino, Guarina Rey, e de Servizos Sociais, Rosa Romero, así como pola axente de Emprego e Desenvolvemento Local, Lola Landeira.
Os cursos, dirixidos principalmente a persoas interesadas en traballar no ámbito escolar, forman parte das iniciativas de formación que o Concello de Brión promove co obxectivo de mellorar a empregabilidade e ofrecer novas oportunidades laborais á veciñanza.
