InicioSANTIAGOBRIÓNBrión lanza un programa de promoción do comercio local e o sector...

Brión lanza un programa de promoción do comercio local e o sector primario para setembro

O concello organizará a primeira edición do Coworking Fest, a Ruta das Hortas e a sexta Feira Labrega

Publicado o

Xornal de Compostela

O Concello de Brión presentou un completo programa de actividades para o mes de setembro, co obxectivo de promover o comercio local e poñer en valor o sector primario. As iniciativas inclúen a primeira edición do Coworking Fest, a Ruta das Hortas e a sexta edición da Feira Labrega.

Segundo a concelleira de Promoción Económica, Guarina Rey Vázquez, “dende o Concello queremos apoiar o noso rural e promover o comercio dos mellores produtos que producen os nosos veciños e veciñas nas súas hortas”, destacou. Esta programación busca fortalecer a relación entre produtores e consumidores, promovendo a produción sostible e de calidade.

RUTA DAS HORTAS

A primeira das actividades será a Ruta das Hortas, que permitirá á veciñanza coñecer de preto as técnicas de produción sostible que empregan catro explotacións locais. As visitas, que se realizarán ao longo do mes de setembro, non requiren inscrición previa e teñen como punto de encontro o Coworking “Transformando en Brión”.

COWORKING FEST

Para dar a coñecer o espazo colaborativo de Montebalado, o Concello organiza o Coworking Fest o 18 e 19 de setembro. Esta primeira edición incluirá unha xornada de portas abertas e outra formativa sobre cooperativismo, dirixida tanto a usuarios do coworking como a persoas interesadas en proxectos colaborativos.

FEIRA LABREGA

O domingo 22 de setembro, o Adro da Igrexa dos Ánxeles acollerá a sexta edición da Feira Labrega, unha mostra gastronómica e artesá que destaca os produtos locais e os oficios tradicionais. A feira contará con degustacións en directo, exposicións, obradoiros e actuacións musicais, converténdose nun escaparate da riqueza cultural e produtiva de Brión.

MERCA EN BRIÓN

Este programa especial complementa os dous mercados semanais de Brión: o mercado urbano dos martes en Pedrouzos e o Mercado da Terra dos venres en Montebalado. Ademais, o Concello lanzará a campaña ‘Merca en Brión’, que incluirá a elaboración dunha guía de comercio local e a promoción dos negocios locais a través da App BrionInforma.

Con estas iniciativas, Brión busca dinamizar a economía local e fortalecer a conexión entre os consumidores e os produtores locais, reafirmando o seu compromiso co desenvolvemento sostible e a promoción do rural.

ÚLTIMAS

(VÍDEO) A veciñanza critica o deseño para peóns e bicicletas da rúa do Pombal

A rúa do Pombal reabriu hai uns meses ao tráfico tras máis de oito...

Alberto Cabada asume o decanato de Matemáticas da USC con ilusión e confianza no futuro

O profesor Alberto Cabada Fernández tomou posesión este venres como novo decano da Facultade...

Cáritas de Santiago atende a máis de 46.000 persoas en 2024, un 8% máis que o ano anterior

Cáritas Diocesana de Santiago destacou que atendeu a 46.512 persoas en 2024, un incremento...

Detidas 16 persoas pola estafa do “falso sicario” a usuarios de páxinas de citas

A Policía Nacional detivo 16 persoas no marco da 'Operación Bachata', entre elas dúas...

Localizada en bo estado unha veciña de Brión cuxa familia alertou da súa desaparición na tarde do mércores

Os servizos de Emerxencias localizaron a pasada noite a unha veciña de Brión, duns 80...

O PSOE e o PP pactan en Brión para garantir a estabilidade institucional até final de mandato

O Concello de Brión viviu este martes un pleno ordinario no que se fixo...

Detido en Brión un mozo por conducir sen carné e con orde de expulsión vixente

A Garda Civil detivo o pasado xoves, 22 de maio, un mozo de nacionalidade...

LEAVE A REPLY

Please enter your comment!
Please enter your name here