Os condutores que circulaban polo corredor CG-1.5, entre Brión e Noia, presenciaron este domingo un espectacular incendio dun coche de alta gama que estaba estacionado no arcén. Segundo informou o 112, o incidente tivo lugar ao redor das 16:36, cando o propietario do vehículo avisou aos servizos de emerxencia tras detectar que o coche comezara a arder “pola parte de abaixo” mentres conducía en dirección a Brión, preto da saída en Urdilde (Rois).
A pesar do impacto do lume, que se propagou rapidamente, non houbo que lamentar feridos. As autoridades mobilizaron os equipos de emerxencia para controlar o incendio e garantir a seguridade na zona.
