InicioSANTIAGOAMESA Xunta comprométese a financiar a ampliación da depuradora de Sisalde e...

A Xunta comprométese a financiar a ampliación da depuradora de Sisalde e o mercado municipal de Ames

Alfonso Rueda e Blas García avanzan en proxectos clave para o concello, como vivendas protexidas e o polígono industrial de Bertamiráns

Publicado o

Xornal de Compostela

O presidente da Xunta de Galicia, Alfonso Rueda, e o alcalde de Ames, Blas García, mantiveron un encontro no que se alcanzaron importantes avances en varios proxectos para o concello. Entre eles, destaca a ampliación da depuradora de Sisalde, un proxecto que suporá un investimento de 20 millóns de euros, dos cales 10 millóns se destinarán á ampliación e outros 10 á mellora da rede de colectores. A Xunta tamén achegará un millón de euros para o proxecto construtivo.

Este proxecto, que está incluído no Plan Hidrolóxico de Galicia Costa, será negociado polo Concello co Goberno central para que a actuación sexa declarada de interese xeral e poida ser financiada polo Estado.

Outro dos temas tratados foi a construción dun mercado municipal, que precisará un financiamento de 3 millóns de euros. A Xunta comprometeuse a colaborar nun convenio a tres bandas, no que tamén participa a Deputación da Coruña, que xa destinou 750.000 euros para o proxecto.

Ademais, acordouse urbanizar cinco parcelas que serán cedidas ao Instituto Galego de Vivenda e Solo (IGVS) para a construción de vivendas de protección oficial no municipio.

Finalmente, tamén se avanzou no desenvolvemento do polígono industrial de Bertamiráns, ao analizarse a viabilidade das empresas interesadas. Rueda confirmou unha próxima reunión coa conselleira de Economía e Industria, María Jesús Lorenzana, para estudar a situación e seguir impulsando o proxecto.

ÚLTIMAS

O Sindicato de Vivenda de Compostela denuncia que unha manifestante ingresou no hospital tras unha agresión policial

O Sindicato de Vivenda de Compostela denunciou que varias participantes nas mobilizacións da folga...

O PSdeG abre a campaña en Santiago cun chamamento á mobilización para o 29-N

O PSdeG iniciou en Santiago a campaña para as eleccións xerais do 29 de...

Pedro Sánchez participará nun acto electoral en Santiago o mércores 18 de novembro

O presidente do Goberno e candidato do PSOE ás eleccións xerais, Pedro Sánchez, visitará...

Fronte Ampla propón crear unha empresa farmacéutica pública en Santiago en colaboración coa USC

A coalición Fronte Ampla presentou este xoves en Santiago de Compostela o seu programa...

Cinema Miúdo achega a ciencia á infancia con dúas sesións especiais en Ames

O festival de cinema infantil de Ames programa dúas retrospectivas sobre ciencia e cinema o 14 e o 15 de novembro na Casa da Cultura de Bertamiráns, incluídas no abono de 3 euros.

O BNG de Ames inicia unha campaña para documentar os cortes de luz que afectan á veciñanza

O BNG de Ames puxo en marcha unha campaña de recollida de información sobre...

O alcalde de Ames pide a dimisión do ministro de Transportes tras o accidente ferroviario de Urda

O alcalde de Ames, o socialista Blas García, reclamou a dimisión do ministro de...