O Concello de Ames e o colectivo A Rula programan para o sábado 24 de agosto a quinta edición da ruta nocturna circular aos petróglifos de Monte Castelo e Peneda Negra. A saída está prevista para as 21:00 horas dende o miradoiro do bosque do Peregrino, en Ventosa. A visita finalizará ás 23:30 horas.
Durante a ruta, os participantes terán acceso a un servizo de autobús que pasará ás 21:00 horas pola Casa da Cultura do Milladoiro e ás 21:15 horas polo Pazo da Peregrina en Bertamiráns. Ao finalizar o percorrido, o servizo de autobús retornará polos mesmos puntos onde recolleu aos asistentes.
Para inscribirse, os interesados deben enviar un impreso ao correo auladanatureza@concellodeames.gal. A actividade está limitada a un máximo de 25 prazas.
Os petróglifos de Monte Castelo e Peneda Negra, situados na área arqueolóxica da Ventosa, forman parte do Parque Compostela Rupestre. Foron descubertos a principios do século XX por Óscar Lojo-Batalla Sampedro. O petróglifo da Peneda Negra mantívose no tempo, mentres que Monte Castelo foi redescuberto en 2015 polo colectivo A Rula.
