HomeSANTIAGOAMESAmes estrea novo campo de atletismo en Ventín cun investimento de 247.498...

Ames estrea novo campo de atletismo en Ventín cun investimento de 247.498 euros

O novo campo, que transforma o antigo campo de fútbol de Biduído, está deseñado para impulsar as disciplinas de lanzamento e a práctica do atletismo no concello

Publicado o

Por Xornal de Compostela

Este martes, o alcalde de Ames, Blas García, xunto coa concelleira de Deportes, Susana Señorís, e o concelleiro de Obras e Servizos Básicos, Gustavo Nieto, realizaron unha visita ao novo campo de atletismo habilitado en Ventín. A visita contou tamén coa presenza dos técnicos do departamento municipal de Deportes e de representantes dos clubs de atletismo locais, David García de Ames Atletismo e Joao Fernández do club de atletismo MillaRaio.

A nova instalación, que se enmarca dentro do Plan Ames Progresa 2021–2023, foi adxudicada á empresa Jardinería Arce SL cun custo total de 247.498,87 euros, IVE incluído. Este proxecto converteu o antigo campo de fútbol de Biduído nun moderno campo de lanzamento destinado á práctica do atletismo, respondendo a unha demanda antiga dos clubs de atletismo do concello.

Blas García destacou a importancia desta nova infraestrutura: “É unha alegría ver rematado este campo de lanzamento polo que tanto ten loitado o Goberno municipal. A nosa intención é seguir traballando para ampliar e mellorar estas instalacións e para impulsar a práctica do atletismo entre os veciños e veciñas, convertendo Biduído nun centro de referencia no ámbito do atletismo para a comarca, a provincia, e incluso para toda Galicia”.

Por parte dos clubes locais, a nova infraestrutura foi moi ben recibida. David García, de Ames Atletismo, indicou: “Este é un paso adiante moi importante para o atletismo no concello, que nos facilitará sobre todo os adestramentos. É o primeiro centro de lanzamentos de Galicia, e o seguinte paso será contar cun centro de tecnificación e converter esta pista nun centro para competicións de lanzamento a nivel galego”.

Joao Fernández, do club de atletismo MillaRaio, tamén celebrou a nova instalación: “Levamos moito anos agardando por esta actuación e por fin agora temos unhas instalacións axeitadas para a práctica do atletismo. Están pensadas principalmente para as disciplinas de lanzamento, pero dispón tamén de instalacións que se poden aproveitar para realizar adestramentos de forma xeral”.

A nova infraestrutura non só mellorará as condicións de adestramento para os atletas locais, senón que tamén servirá para albergar eventos atléticos e competicións, fortalecendo o atletismo na rexión e proporcionando un impulso significativo ao deporte local.

ÚLTIMAS

As vítimas do tren Alvia lembran o accidente 11 anos despois: “É demasiado tarde para pedirnos perdón”

Hoxe Xornal de Compostela fala con Jesús Dominguez, presidente da Asociación Plataforma Víctimas Alvia 04155,...

O acto de entrega das Medallas de Galicia destacan o sector audiovisual como “cada vez máis estratéxico”

O actor Luís Tosar, a produtora Zaza Ceballos e a Academia Galega do Audiovisual...

FOTOS: O Concello de Ames celebra o Día de Galicia e homenaxea ao deportista Borja Golán

O Pazo da Peregrina de Bertamiráns acolleu onte o acto institucional do Día de...

Nova protesta das vítimas de Angrois polas rúas de Santiago 11 anos despois do accidente

Decenas de vítimas e familiares do accidente do tren Alvia en Santiago --do cal...

FOTOS: O Concello de Ames celebra o Día de Galicia e homenaxea ao deportista Borja Golán

O Pazo da Peregrina de Bertamiráns acolleu onte o acto institucional do Día de...

Ames prepárase para dez días de festas este próximo mes de agosto con música e orquestras destacadas

Este verán, o Concello de Ames xunto ás comisións de festas da Madalena e...

Ames celebra o Día de Galicia cun homenaxe ao deportista Borja Golán

O Concello de Ames ten programado unha serie de actividades para celebrar o Día...

LEAVE A REPLY

Please enter your comment!
Please enter your name here