Desde o 5 ao 9 de agosto, o Paseo da Amaía en Brandía quedará pechado á circulación debido a obras de reparación da calzada. Este tramo inclúe a entrada principal da urbanización. Segundo indica o Concello de Santiago, os vehículos deberán entrar pola parte baixa do paseo, convertendo o tramo do paseo da Quinta en dobre sentido para permitir o acceso ás vivendas e ao hotel da zona.
A liña de autobús 8 non poderá acceder á urbanización durante este período. A última parada será antes da rotonda de acceso na AC-543, no entorno da nave Calefon, onde cambiará de sentido cara ao centro urbano. As paradas suprimidas serán a 632, urb. Brandía, e a 633, urb. Brandía 2.
Pola súa banda, unicamente o próximo luns 5 de agosto, a rúa da República do Salvador quedará cortada entre as súas intersección coas rúas Doutor Teixeiro e Xeneral Pardiñas por obras de mantemento dun redutor de velocidade. O corte será de 22:00 a 24:00 horas, desviando o tráfico pola rúa Doutor Teixeiro, praza de Puente Castro e Xeneral Pardiñas.
Durante este tempo, a liña 5 en dirección Rocha desviará o seu percorrido pola rúa do Doutor Teixeiro, rúa da Rosa, rúa de San Pedro de Mezonzo e Praza Roxa, retomando o itinerario habitual en Frei Rosendo Salvado. A parada 433 en República do Salvador quedará suprimida, sendo alternativas as paradas da Praza de Galicia, a rúa da Rosa e a de Frei Rosendo Salvado.
Por outro lado, este próximo martes 6 de agosto, o carril da praza do Doutor Puente Castro que conecta a rúa do Doutor Teixeiro coa do Xeneral Pardiñas estará pechado por arranxo dunha arqueta. O tráfico de Doutor Teixeiro será desviado cara a República Arxentina e a rúa do Hórreo, excepto para os usuarios do parking da praza. O corte será de 16:00 a 21:00 horas.
Debido a este corte de tráfico, as liñas de transporte urbano 6, 6A con paradas, 13, C5, C11, P3 e P6 terán os seguintes desvíos:
- Liñas 6, 6A, C5, P3 e P6: Desde Doutor Teixeiro, desviaranse pola rúa do Hórreo (Parlamento), retomando o itinerario habitual no Hórreo despois do cruce con Santiago León de Caracas. As paradas suprimidas serán a 479 en rúa da Rosa e a 591 en Santiago León de Caracas (centro de saúde). A parada alternativa será a 694 na rúa do Hórreo.
- A liña P6 dende a Galuresa: Accederá á parada da rúa da Rosa subindo por República Arxentina.
- Liñas 13 e C11: Irán por República do Salvador ata Xeneral Pardiñas, retomando o itinerario na segunda parada desta rúa, no número 7 (cruce con Montero Ríos). A parada suprimida será a 673 en Xeneral Pardiñas nº 35.
O Concello de Santiago prégalle á cidadanía que desculpe as molestias que estas alteracións poidan ocasionar.
