O vindeiro martes, 25 de xuño de 2024, entrarán en vigor os novos horarios de verán no transporte urbano, introducindo importantes actualizacións para mellorar o servizo durante a tempada estival.
Este ano, os cambios máis notables inclúen un reforzo dos servizos nas liñas 6 e 6A durante os sábados, domingos e festivos. Esta medida busca evitar as incidencias que se produciron nos anos anteriores debido ao incremento da demanda neses días
As reducións habituais dos horarios de verán tamén serán aplicadas, adaptando as frecuencias das liñas á menor demanda característica dos meses de verán.
Os detalles completos sobre os horarios e frecuencias actualizados por liña están dispoñibles na web de Tussa. Nos vindeiros días, tamén se distribuirán folletos impresos cos novos horarios nos autobuses e actualizarase a cartelería nas paradas da cidade para informar adecuadamente a todos os usuarios.
Ademais, os novos horarios de verán coincidirán co inicio das obras na rúa do Pombal, o que podería afectar algunhas rutas habituais. As liñas afectadas serán a 4, 8, 9, C2, C4, P1 e P7 verán afectados os seus horarios e anularán algunhas paradas. Na web de Tussa poden consularse os desvíos e as paradas anuladas.
