InicioPOLÍTICABorja Verea critica a baixa execución do plan de contratación en Santiago...

Borja Verea critica a baixa execución do plan de contratación en Santiago en 2024

O líder do Partido Popular sinala que a cidade só leva executados dous millóns en obra pública, quedando por detrás de 17 concellos galegos

Publicado o

Xornal de Compostela

O portavoz do Partido Popular de Santiago, Borja Verea, denunciou o escaso avance no Plan de contratación aprobado polo goberno local para o ano 2024, asegurando que a cidade se atopa nunha situación de baixo investimento en obra pública. Segundo Verea, Santiago de Compostela executou só 2 millóns de euros ata o de agora, unha cifra superada por 17 concellos galegos, como Santa Comba ou Curtis.

Para Verea, esta situación é un “exemplo do bloqueo na xestión do BNG, que non consegue converter os seus anuncios en feitos”. O líder popular tamén expresou preocupación polo Período Medio de Pago (PMP) do Concello a provedores, que en maio alcanzou os 109,78 días, situando a Santiago só por detrás de Ourense en canto a atrasos nos pagos.

Entre as obras que se están a realizar, Verea destacou o caso da Rúa do Pombal, onde afirmou que os veciños se atopan en “pé de guerra” pola falta de diálogo do goberno municipal. Ademais, sinalou que a cidade perdeu financiación europea en proxectos como a rehabilitación do Pavillón de Vite e o Complexo deportivo de Santa Isabel, sendo os veciños quen terán que asumir o custo da obra en Vite, mentres que a actuación en Santa Isabel non se levará a cabo este ano.

O popular tamén subliñou que quedan por licitar varias obras do proxecto “Entre Sar e Sarela”, financiado con fondos NextGeneration, e que inclúen actuacións como a reurbanización das rúas Mallou e Puente la Reina, así como melloras en accesibilidade e na pavimentación de vías urbanas.

En relación aos contratos de servizos, Verea cualificou a situación como “sangrante”, destacando o atraso na renovación do contrato do transporte colectivo urbano, que afecta diariamente á veciñanza. Ademais, sinalou que contratos importantes como o da xestión de centros socioculturais, a limpeza e conserxería en instalacións deportivas, e o mantemento de parques infantís tamén están pendentes de resolución.

Finalmente, Borja Verea conclúe que “a estas alturas do ano, é evidente que o BNG non é capaz de cumprir co seu propio plan de contratación, o que derivará nun baixo nivel de execución orzamentaria para este exercicio económico”.

ÚLTIMAS

Dous feridos na colisión frontal entre dous coches e un camión nos arredores de Santiago

Dúas persoas resultaron feridas, unha delas de gravidade, na colisión frontal entre dous coches...

O PSdeG non ve a situación do PSOE santiagués como obstáculo para aprobar os orzamentos municipais

O portavoz da Executiva do PSdeG, Julio Torrado, rexeitou este venres que a situación...

A comunidade educativa galega reclama cambios na normativa lingüística no ensino

A comunidade educativa galega reuniuse hoxe en Santiago de Compostela para expresar a súa...

O Ateneo de Santiago analiza os avances no alzhéimer nunha conferencia con José María Prieto

O próximo luns, 17 de febreiro, ás 19:30 horas, o Ateneo de Santiago acollerá...

Bouza encabeza a lista do PSOE de Santiago ao congreso do PSdeG

O PSOE de Santiago elixiu á súa delegación para o 15º Congreso Nacional que o PSdeG...

O exconcelleiro socialista José Manuel Pichel declara como investigado polo ‘caso Desproi’

O coñecido como 'caso Desproi' segue en vía xudicial e, despois de que a maxistrada...

Borja Verea urxe desmantelar “o maior centro comercial de drogas de Santiago, no barrio de Santa Marta”

O líder do PP de Santiago, Borja Verea, urxiu este venres que "se desmantele o...

LEAVE A REPLY

Please enter your comment!
Please enter your name here