InicioPOLÍTICADanos na Praza do Obradoiro tras a actuación de grandes orquestras?

Danos na Praza do Obradoiro tras a actuación de grandes orquestras?

O portavoz do PP local, Borja Verea, demandou ao Concello que faga público "o informe de patrimonio desfavorable" das actuacións das festas da Ascensión con grandes camións no Obradoiro. A alcaldesa defende que as cuestións organizadas pola administración local "non teñen que pasar pola Comisión de Patrimonio".

Publicado o

Xornal de Compostela

O portavoz do PP local, Borja Verea, demandou ao Concello que faga público “o informe de patrimonio desfavorable” das actuacións durante as festas da Ascensión con grandes camións na Praza do Obradoiro, despois de que, segundo denunciou, rexistráronse “importantes danos xusto na zona onde se apoiaron estes grandes escenarios e camións”.

“Queremos saber se estes danos foron analizados polos técnicos do Concello e se son consecuencia destas actuacións das que se advertía a súa ilegalidade”, cuestionou o popular en rolda de prensa este luns. Así, Verea sinalou que se trata duns feitos “moi graves” e reprochou que esta fose “a primeira vez que se autorizan eventos destas dimensións cun informe negativo dos propios técnicos do Concello”. “E non pasa nada”, censurou.

Tras cuestionar se existía ese informe e se os danos materiais na praza son consecuencia destas actuacións, os populares pregúntanse se “alguén vai asumir algún tipo de responsabilidade”, porque a cidade, engadiu, “non pode aceptar esta maneira de facer as cousas”. “Non podemos aceptar que cun informe desfavorable sobre a mesa autorícense eventos que danan o noso patrimonio”, reiterou o portavoz popular. A continuación, a preguntas dos medios, a alcaldesa da capital galega, Goretti Sanmartín, defendeu que tanto o portavoz do PP como o do PSOE coñecen “todo o que hai que saber sobre este tema”.

En todo caso, asegurou que o Concello non ten constancia de que os danos se deban aos camións das orquestras que actuaron durante as festas no Obradoiro onde, argumentou, “igual que na zona vella” prodúcense danos “moitas veces”. “O que hai que facer é, con normalidade, nesta como noutras moitas veces en que hai algún elemento que está danado, reparalo”, resolveu. Así mesmo, aínda que non negou a existencia dun informe desfavorable, Sanmartín insistiu en que as cuestións organizadas polo Concello “non teñen que pasar pola Comisión de Patrimonio”.

ÚLTIMAS

O Concello reduce ao imprescindible o uso municipal da auga ante a redución continuada do caudal do Tambre

O Concello de Santiago reduciu ao imprescindible o uso municipal de auga e anima...

Buscan ao sospeitoso de provocar un incendio este martes á beira do cemiterio de Boisaca

A Policía Local de Santiago de Compostela busca ao sospeitoso de orixinar un incendio xunto ao...

O CHUS defende o aumento de ambulancias ante as queixas

O complexo hospitalario universitario de Santiago de Compostela (CHUS) defendeu o aumento de ambulancias...

A onda de calor actual “non supera a marca rexistrada” en Santiago de 40º en 1990

O coordinador científico do Observatorio Astronómico Ramón María Aller da Universidade de Santiago de...

O PP propón crear un Plan Director de Infraestrutura Verde para avaliar o estado do arborado e dos parques en Santiago

O concelleiro do Partido Popular de Santiago, José Antonio Constenla, instou ao goberno local...

O Comité de Expertos no Camiño avanza en Santiago na programación do Xacobeo 2027

O Pazo de Amarante, en Santiago de Compostela, acolleu esta semana unha nova sesión...

O misterio do Apóstolo: espiritualidade, estratexia e construción de Europa

Cada 25 de xullo, Galicia celebra o día do seu patrón, o Apóstolo Santiago....