InicioPOLÍTICAAdmitida a trámite a demanda dos edís expulsados do PSOE de Santiago

Admitida a trámite a demanda dos edís expulsados do PSOE de Santiago

O Xulgado número 3 de Santiago fixará o 9 de maio a vista para decidir sobre a suspensión cautelar das expulsións.

Publicado o

Xornal de Compostela

A demanda ordinaria que os catro edís expulsados do Grupo Municipal Socialista de Santiago —Gonzalo Muíños, Mercedes Rosón, Mila Castro e Marta Álvarez— en busca da impugnación das resolucións da Comisión Federal de Ética e Garantías do PSOE foi admitida a trámite e está en mans do Xulgado número 3 da capital galega.

Ademais, segundo fontes consultadas por Europa Press, desde o 10 de marzo as partes foron notificadas para a vista que está chamada a resolver a concesión de solicitude de medida cautelar que solicitan os edís expedientados para a suspensión da eficacia e execución das resolucións disciplinarias. Está prevista para o próximo 9 de maio.

O catro edís socialistas interpuxeron a demanda na semana do 17 de marzo, tras a notificación que recibiron de Ferraz o día 14 dese mesmo mes coa resolución de expulsión definitiva do partido.

Nesa xornada, os concelleiros expulsados enviaron un comunicado no que reafirmaban a súa condición de “socialistas”, algo que “non hai resolución nin decisión de organización que o poida cambiar” porque “ser socialista implica crer nun mundo máis xusto e defender unha sociedade baseada na igualdade”.

No mesmo, anticipaban que ían acudir á xustiza ordinaria “por dignidade” e “para manter a súa integridade”, pero tamén por non estar dispostos a permitir que, “de forma arbitrria, alguén decida quen pode ou non ser socialista en función das súas preferencias persoais”.

A DIRECCIÓN XUSTIFICOU A EXPULSIÓN POR FALTAS “GRAVES”

Pola súa banda, a dirección do PSOE atribuía aos edís faltas “graves” en contra da normativa socialista, entre elas, a “actuación, por acción ou omisión, en contra de acordos adoptados polos órganos de dirección do partido que afecten as institucións”.

A Muíños achacábaselle “indisciplina reiterada” a raíz do conflito coa agrupación local que estalou tras o pleno do mes de xuño no que todos os edís votaron a favor dunha ordenanza sobre a regulación das vivendas de uso turístico, en contra da directriz marcada pola dirección local, capitaneada por Aitor Bouza.

ÚLTIMAS

Goretti Sanmartín solicita ao Goberno “todas as explicacións pertinentes” tras a dimisión de Santos Cerdán

A alcaldesa de Santiago, Goretti Sanmartín, solicitou ao Goberno central "todas as explicacións pertinentes"...

Sumar pide frear o proxecto de Altri en Palas e alerta do seu impacto no Camiño de Santiago

A portavoz de Sumar no Congreso, Verónica Martínez Barbero, declarou este venres en Santiago...

O PP reclama a limpeza urxente do río Sarela ao seu paso por Galeras

A concelleira do Partido Popular de Santiago, Yolanda Otero, reclamou este xoves a intervención...

Compostela súmase á campaña estatal polo acollemento familiar cun acto simbólico na Alameda

O Parque da Alameda de Santiago de Compostela será o escenario, o vindeiro 17...

Goretti Sanmartín solicita ao Goberno “todas as explicacións pertinentes” tras a dimisión de Santos Cerdán

A alcaldesa de Santiago, Goretti Sanmartín, solicitou ao Goberno central "todas as explicacións pertinentes"...

O PP reclama a limpeza urxente do río Sarela ao seu paso por Galeras

A concelleira do Partido Popular de Santiago, Yolanda Otero, reclamou este xoves a intervención...

O BNG acusa o PP de usar O Son do Camiño para desprestixar as festas tradicionais de Santiago

A portavoz municipal do BNG en Santiago, Míriam Louzao, cargou este mércores contra o...