HomeOPINIÓNVerán, festivais: preguiza

OPINIÓN

Verán, festivais: preguiza

Publicado o

Por Lois E. Froiz
Lois E. Froiz
Lois E. Froiz

Nado en Compostela, é Doutor en Comunicación e leva media vida vencellado á cultura, escribindo en revistas, webs e fanzines, formando parte do xurado de festivais, programando en cineclubes, dirixindo curtas e un documental, tocando en bandas e até publicando un libro. Na actualidade traballa en organización comarcal do BNG.

Chegou o verán, e con el unha das cousas que peor lle sentan á cultura: os festivais de música. En Compostela xa tivemos o noso horror vacui particular co Son do Camiño, ese enxendro saído das mans da Xunta para poñer milleiros de euros directamente nas mans de Bring the Noise e Esmerarte. 3 días de promoción musical como unha feira, de festexo da industria, de empregar o arte como obxecto de consumo e de asunción da colonización cultural -porque sexamos sinceiras: a presenza de bandas que tivo  históricamente semellante festi, como tantos outros, amosa que somos colonia, primeiro española e despois do mundo otanista, case tanto como o amosan as probas militares de Noia-. Pero vaia, supoño que temos que dicir “viva”, porque todo sexa por unha boa foto para instagram malia ter ouvido mal e dende lonxe a xente á que o uso e abuso de escoita en redes e medios de comunicación che fixo apreciar. Iso en caso de ter acudido ao concerto e non ter estado alí de cháchara unha vez sacada a foto, porque o social está por riba do arte, supoño.

Pero non nos desviemos. Falando de quen leva os cartos do Son do Camiño, é curioso que nesta pasada finde foi o Resurrection Fest: ese festival que, como bo festival de hardcore e metal é contracultural e subversivo. Tanto que está organizado por, de novo, Bring the Noise. Porque sabemos ben que quen leva cartos directos da Xunta para promover cultura musical de industria pura é perfectamente lóxico que se encargue de ser subversivo a través da música que sempre se denominou menos comercial. Claro. Unha xente que tamén leva o Tsunami de Xixón, cidade na que igual que fan os que fan, ou máis ben desfan, en San Caetano, tamén tiveron a ben sacar fotos no local do partido de ultradereita que daquela cogobernaba. Xente moi subversiva, si. Desa que só ten por principios os cartos e a explotación do que sexa necesario. Porén, aí estará toda a metalada de instagram con fotos superchachis e rompendo moitísimo os valores morais de occidente. Porque o mellor para subvertir e ser especial é iso mesmo, sacar fotos en festivais financiados por xente que colabora coa Xunta e saca fotos con fascistas. Formar parte do sistema e beneficiar incluso a quen te tacharía de dexenerado se non se puidese aproveitar do teu conformismo.

Pero dá todo igual. En realidade chega o verán, e o que chega é o relax e seguir co postureo de sempre. A música apenas importa. Porque se importase, os concertos en sala terían moita máis xente, e a xente iría a ver as bandas, non a estar todo o anaco falando co do lado sobre temas banais. Tamén digo, non todo é horríbel. Afortunadamente segue a haber festivais nos que o que importa é a música e que non se venden, como o Kanekas en Cangas ou o Alén en Vilagarcía por irnos a dúas alternativas ao Resu onde si hai espírito subversivo, ou xa sen saír da comarca compostelá, cousas coma o WOS coa súa programación sempre achegada ao experimental e realmente soterrada, o Festigal e a súa sempre indiscutíbel posición en defensa da cultura do país ou o Psicotroita, cada ano máis fundamental e ecléctico, pero sempre co foco ben posto no musical.

Con todo, quero rematar cun reproche: mírote e sinálote a ti, persoa que paga unha entrada para estes festis porque ven alguén que che interesa e prefires velo que ter principios morais e non dar cartos a quen sabes que só se aproveita. Porque ese é o primeiro problema a superar. Pensar que dá o mesmo a quen apoies mentres desfrutes un día. O mesmo que fai quen está na Xunta e quen pacta con eles polo resto do Estado e da UE: vender os seus principios morais para sacar tallada e desfrutar un día, ou máis ben moitos.

ÚLTIMAS

Desaparecido en Santiago un home do 93 anos, usuario dunha residencia de maiores

O operativo de busca para localizar a Aser Núñez Pazos, un home de 93...

Proxectos galegos de FP destacan na convocatoria estatal de innovación

Os proxectos 'Posta en marcha virtual con xemelgo dixital' do Centro Integrado de FP...

O PP de Santiago propón eliminar altos cargos do BNG para investir en turismo sostible e políticas sociais

No Partido Popular de Santiago propuxo un cambio na estrutura do goberno local, liderado...

O BNG lanza a campaña ‘A Forza deste País’ para o Día da Patria Galega

O Bloque Nacionalista Galego presentou a súa campaña para o 25 de xullo, Día de...

Coalición Galega: un esquecemento inmerecido

Se a historia política de Galicia é unha gran descoñecida para o gran público,...

Dunha voadura descontrolada, dun secretario xeral pantasma e da necesidade dunha alternativa firme

Santiago de Compostela e a política municipal atópanse, nestes intres, nunha caída libre, froito...

O prezo da última cea

Coa chegada do mes de xuño e da calor chega tamén esa época do...

LEAVE A REPLY

Please enter your comment!
Please enter your name here