A Coordenadora Galega de Solidariedade con Palestina, conformada polas asociacións Galaico Árabe Jenin, Galiza por Palestina e Mar de Lumes, anunciou esta mañá a convocatoria dunha manifestación nacional o próximo 6 de outubro en Santiago. A mobilización partirá ás 12:00 horas da Alameda e coincide coa véspera do aniversario do xenocidio en Gaza.
Durante a rolda de prensa, a coordinadora denunciou a violencia extrema que sofre o pobo palestino dende hai 76 anos, e acusou a Israel de manter un régime de Apartheid. Tamén criticaron a pasividade da Unión Europea e a posición ambigua do goberno español, que, segundo a organización, non toma medidas efectivas, como o cese do comercio de armas con Israel.
A Coordenadora fai un chamamento á cidadanía galega para que participe na manifestación e levante a súa voz contra as inxustizas sufridas polo pobo palestino, esixindo accións inmediatas por parte das institucións.
