InicioMOV. SOCIAISA Asemblea Aberta por Palestina permanece na casa da Balconada da USC

A Asemblea Aberta por Palestina permanece na casa da Balconada da USC

A Asemblea denuncia que a USC "segue negándose a dialogar"

Publicado o

Por David M. Sobrino Platas

Segundo informaron nesta mañá aos medios de comunicación, a Asemblea Aberta por Palestina, que participara a pasada semana nun encerro no Pazo de San Xerome e na Facultade de Xeografía e Historia da USC, antes de que fosen desaloxados pola Policía, acaba de entrar na Xerencia da USC, na Casa da Balconada situada na rúa Nova.

A súa intención, segundo indicaron, é permanecer no edificio nunha “xornada de portas abertas”. Varias persoas membros da Asemblea están situados no vestíbulo do edificio facendo divulgación sobre as súas demandas hacia a USC. A presenza policial xa se fixo ver esta mañá nas portas do edificio, segundo varias testemuñas da zona.

Entre as demandas que sinalan no manifesto que expoñen na entrada están o posicionamento polo “alto ao fogo inmediato e permanente”, a defensa pública dos “dereitos do pobo palestino”, cortar a relacións coas empresas implicadas no conflito entre Israel e Palestina, entre as que citan varias universidades, ou “reprobar, por principios éticos, toda colaboración académica individual” con estas institucións. Citan ademais empresa como HP, Siemens, Amazon ou o Banco Santander entre as que, segundo eles “violan o dereito ao pobo palestino” e que a USC está a financiar.

Segundo indicaron nun comunicado, o seu obxectivo “segue a ser o mesmo: deter a vergoñenta colaboración da Universidade co xenocidio perpetrado por Israel“. Aseguran que a USC “segue negándose a dialogar” e “ignorando as 16 demandas”.

“A USC négase a permitir a nosa participación plena na comisión, nin acepta a inclusión de persoas palestinas e técnicas alleas á Universidade”, declaran dende a Asemblea, quen tamén aseguran que aceptaron asistir a dúas “reunións simbólicas” e que indican que foron “unha mera formalidade sen intención real de diálogo”.

“Na primeira reunión (venres 14), botóusenos da mesma despois de expoñer as nosas propostas e argumentos sen posibilidade de escoitar unha resposta ou debatir nada. Na segunda, onte mesmo, negóusenos novamente unha resposta ás nosas propostas e a comisión limitouse a informarnos das accións que decidiron unilateralmente e que pouco teñen que ver coas nosas demandas”, denuncian.

ÚLTIMAS

O DivierTTPark tras o incendio: “Limpamos todo nós mesmos, alugamos un andamio de 8 metros e fixémolo”

Falamos con Jonathan Weber, un alemán afincado no Milladoiro, que xunto co seu equipo...

A carreira ‘Holi Gaiás’ celebrarase o 7 de xuño e terá un fin solidario

A sétima edición da carreira 'Holi Gaiás' será o 7 de xuño e os...

A Romaría das Flores trae música, lecer e gastronomía ao Parque de Belvís

A Romaría das Flores, que se celebrará o próximo sábado 31 de maio no Parque...

A conselleira de Vivenda lanza un dardo ao Concello de Santiago e rexeita o intervencionismo e gravación de vivendas baleiras

A conselleira de Vivenda e Planificación de Infraestruturas, María Martínez Allegue, asegurou que a Xunta "está en...

Xornalistas palestinos denuncian en Santiago a violencia á que se ven sometidos: “Asasínannos para matar a verdade”

O presidente do Sindicato de Xornalistas Palestinos, Nasser Abu Baker, denunciou este sábado en Santiago...

O Concello lanza unha nova convocatoria de bonotaxis para mellorar a mobilidade de maiores e persoas con discapacidade

O Concello de Santiago anunciou unha nova convocatoria de bonotaxis para mellorar a mobilidade...

A concelleira de Servizos Sociais considera insuficientes as 60 vivendas protexidas que se adxudicarán en maio

A concelleira de Dereitos e Servizos Sociais de Santiago, María Rozas, manifestou a súa...

LEAVE A REPLY

Please enter your comment!
Please enter your name here