InicioMOV. SOCIAISO Sergas anuncia cambios no seguimento dos pacientes de Oncoloxía no CHUS

O Sergas anuncia cambios no seguimento dos pacientes de Oncoloxía no CHUS

Gómez Caamaño estudará "algún cambio na xestión" do hospital de día de Oncoloxía para que a saturación "non sexa o sistémico"

Publicado o

Xornal de Compostela

O conselleiro de Sanidade, Antonio Gómez Caamaño, confirmou que haberá cambios na realización do seguimento dos pacientes do servizo de Oncoloxía médica no Complexo Hospitalario Universitario de Santiago, onde se rexistran meses de atraso nas consultas de revisión.

Así o explicou este martes en declaracións aos medios, onde indicou que se estudará “perfilar” os seguimentos en función da “agresividade” do tumor ou do “risco de recurrencia”, é dicir, da posibilidade de recaída unha vez superada a enfermidade.

Tras as continuas queixas dos pacientes de Oncoloxía por estes atrasos, manifestadas a través da Asociación de Usuarios do CHUS, Gómez Caamaño reiterou que a nova dirección buscará “chegar a un acordo” para solucionar esta situación que se debe á falta de profesionais.

O conselleiro considera que hai que “xestionar ben” os recursos existentes e, se é posible, aumentalos “para que as consultas vaian máis rápido”.

En todo caso, comprometeuse a revisar os protocolos de seguimento dos pacientes, pero sempre “en función da evidencia que hai publicada”.

“Non todos os pacientes teñen o mesmo tumor nin coa mesma agresividade”, explicou o titular de Sanidade. A solución, ao seu xuízo, pasa por “perfilar” a cadencia das consultas en base a estes parámetros.

Así mesmo, en relación ás queixas da Asociación de Usuarios do CHUS pola saturación no hospital de día de Oncoloxía, Gómez Caamaño adiantou que estudará “algún cambio na xestión” para que esta situación “non sexa sistémica, senón puntual”.

ÚLTIMAS

A illa de compostaxe do CIFP de Compostela culmina con éxito a súa primeira fase de funcionamento

A illa de compostaxe do Centro Integrado de Formación Profesional de Compostela xa tratou...

O CSIC crea un laboratorio pioneiro en Santiago para estudar a relación ancestral entre humanos e plantas

O Consello Superior de Investigacións Científicas (CSIC) avanza no seu proxecto 'PLANTCRAFT', que busca...

O persoal da limpeza do CHUS mobilízase contra Ilunion por vulnerar o contrato público

Decenas de traballadores do servizo de limpeza dos hospitais Clínico e Gil Casares de...

O empresario detido en Santiago está vinculado a unha rede de fraude na venda de bebidas alcohólicas

O empresario que foi detido pola Unidade Central Operativa (UCO) da Garda Civil o...

Galiza Nova protestará este vindeiro luns contra a Medalla de Ouro de Galicia da Xunta á princesa Leonor

Galiza Nova, organización xuvenil do BNG, protestará este luns, 14 de xullo, en Santiago...

Sumar insta á Xunta a declarar Santiago como zona tensionada ante a crise de vivenda

A chegada de xullo marcou, un ano máis, o inicio dunha das etapas máis...

GIG-Saúde denuncia “sobrecarga de traballo e saturación dos servizos” na área sanitaria

A CIG-Saúde de Santiago denunciou que a falta de medidas por parte da Xerencia...