InicioMOV. SOCIAISCondutores do bus urbano de Santiago volven concentrarse á espera dun acordo

Condutores do bus urbano de Santiago volven concentrarse á espera dun acordo

Os traballadores seguirán adiante co paro do venres 21 en caso de non chegar a un pacto coa empresa esta semana

Publicado o

Xornal de Compostela

Condutores do autobús urbano de Santiago de Compostela volvéronse concentrar este martes –por cuarta vez en semana e media– en plena negociación dun cadro de persoal único para os traballadores das dúas compañías agrupadas na Unión Temporal de Empresas Tralusa, de modo que as reunións continuarán este mércores e este xoves. Tras as negociacións do xoves estaba previsto volver reunirse este luns, encontro que Monbus (a quen pertence a UTE) reprogramou “por motivos persoais”, segundo trasladou a presidenta do comité de empresa, Maica Doo, durante a concentración fronte á estación intermodal.

Este novo encontro terá lugar este mércores 19 na Coruña na Inspección Provincial de Traballo, que se suma ao xa pactado para o xoves. De non chegar a un acordo nesta segunda xunta, manterán o paro previsto para o venres 21. “Se non hai acordo durante esta semana, o venres facemos a folga”, insistiu Doo. A folga podería converterse en indefinida a partir do 1 de abril se para entón ambas as partes non alcanzan un acordo.

Tralusa e Aulusa, agrupadas na UTE pertencente a Monbus, buscan unificar o persoal para igualar as condicións de traballo de preto dun cento de condutores, dos que dependen 19 liñas de autobús urbano. Os traballadores presentaron unha proposta de cadro de persoal, sobre a que están a versar as conversacións. “En Aulusa fan o mesmo traballo que nós –os traballadores de Tralusa–, pero non teñen un cadro de traballo como o noso. Nós coñecemos con antelación o traballo que imos facer durante todo o ano e eles están para cubrir as nosas baixas e vacacións”, expuxo a responsable do comité de empresa.

ÚLTIMAS

Vedra e a Cámara de Comercio de Santiago reforzan a cooperación europea a través do proxecto ATLIC

O Concello de Vedra e a Cámara de Comercio de Santiago de Compostela participaron...

A Asociación de Pacientes do CHUS denuncia atrasos nas consultas polo sistema do ‘buzón’

A Asociación de Pacientes e Usuarios do CHUS volveu expresar a súa preocupación polo...

Monbus compra a empresa compostelá Seoane e asume os seus 18 autobuses e minicares e aos seus 26 traballadores

Monbus pechou a finais do pasado mes de febreiro a operación de compravenda de Seoane,...

UCIN reclama a creación dun Punto de Atención Continuada en O Milladoiro

A Unión de Ciudadanos Independientes (UCIN) considera necesario poñer en marcha un Punto de...

A Asociación de Pacientes do CHUS denuncia atrasos nas consultas polo sistema do ‘buzón’

A Asociación de Pacientes e Usuarios do CHUS volveu expresar a súa preocupación polo...

UCIN reclama a creación dun Punto de Atención Continuada en O Milladoiro

A Unión de Ciudadanos Independientes (UCIN) considera necesario poñer en marcha un Punto de...

Santiago súmase á primeira manifestación estatal pola vivenda o 5 de abril

A cidade de Santiago de Compostela será unha das localidades galegas que participará na...