InicioMOV. SOCIAISO xornalista palestino Nasser Abu Baker denuncia no Hotel Araguaney a persecución...

O xornalista palestino Nasser Abu Baker denuncia no Hotel Araguaney a persecución da profesión no seu país: “Israel considera a información un inimigo”

O acto conmemorou o patrono dos xornalistas e destacou a loita pola liberdade de prensa en zonas de conflito

Publicado o

Por David M. Sobrino Platas

Onte, mércores 22 de xaneiro, o Salón Rahid do Hotel Araguaney en Santiago de Compostela acolleu a conferencia ‘Solidaridade cos xornalistas de Palestina’, organizada pola Asociación de Periodistas de Santiago de Compostela (APSC) en colaboración coa Federación Internacional de Periodistas (FIP). O evento, presidido por Xulia Campo, contou coa intervención de Nasser Abu Baker, presidente do Sindicato de Xornalistas de Palestina (PSJ) e vicepresidente da FIP, quen expuxo a grave situación que atravesa o xornalismo no seu país.

Un acto de denuncia e recoñecemento

Xulia Campo, presidenta da asociación, abriu o acto destacando o dobre obxectivo da xornada: celebrar o patrono dos xornalistas e honrar o traballo dos profesionais palestinos, vítimas dunha persecución sistemática. “Os xornalistas en Palestina convertéronse en obxectivos preferentes. Máis de 200 foron asasinados, moitos deles por francotiradores, nun intento de exterminar a verdade”, afirmou Campo.

Luis Menéndez, representante da FIP, quen tamén participou no acto, agradeceu a oportunidade de participar no acto e presentou a Nasser Abu Baker, definíndoo como, ademais dun gran compañeiro, un exemplo de integridade profesional.

O relato de Nasser Abu Baker: unha testemuña directa

A intervención principal correu a cargo de Nasser Abu Baker, quen, a través da interpretación dende o árabe de Ghaleb Jaber Ibrahim, propietario do Hotel Araguaney, describiu a situación en Palestina e o impacto da guerra no exercicio do xornalismo. “En Palestina fomos privados da liberdade de movemento, palabra e agora tamén da vida. Gaza é o campo de concentración máis grande do mundo”, denunciou.

O presidente do PSJ compartiu cifras estremecedoras: desde o inicio do último conflito o 8 de outubro de 2023, máis de 200 xornalistas foron asasinados, o que supón unha morte cada dous días. Outros 400 profesionais resultaron feridos, moitos deles con amputacións que lles impediron continuar coa súa labor. “Israel converteu o xornalismo nun obxectivo. As radios locais foron destruídas e os centros de comunicación clausurados”, explicou.

As dificultades de informar en Gaza

Abu Baker describiu as condicións extremas nas que os xornalistas palestinos traballan. Sen acceso a recursos básicos como electricidade, internet ou transporte, moitos durmen e traballan entre os cadáveres. “O xornalista palestino nunca deixa de ser palestino. Moitos dos meus compañeiros morreron nas súas casas ou nas súas oficinas, intentando informar”, lamentou.

O relato de Abu Baker foi especialmente emotivo ao lembrar os seus compañeiros falecidos, a maioría deles coñecidos persoalmente. “Non son números, son os meus irmáns, amigos e compañeiros”, engadiu.

Un chamamento á acción internacional

O acto concluíu cunha chamada á comunidade internacional e aos profesionais da comunicación para que manteñan a súa solidariedade co pobo palestino e coa liberdade de prensa. “Israel considera a información un inimigo, porque o máis fácil para ocultar a verdade é eliminar os testemuños”, sentenciou Nasser.

ÚLTIMAS

Morre un pasaxeiro dun voo Tenerife-Notthingham que foi desviado a Santiago

Un voo que cubría a ruta Tenerife Sur-Notthingam foi desviado na tarde deste venres...

Dous feridos na colisión frontal entre dous coches e un camión nos arredores de Santiago

Dúas persoas resultaron feridas, unha delas de gravidade, na colisión frontal entre dous coches...

O PSdeG non ve a situación do PSOE santiagués como obstáculo para aprobar os orzamentos municipais

O portavoz da Executiva do PSdeG, Julio Torrado, rexeitou este venres que a situación...

A comunidade educativa galega reclama cambios na normativa lingüística no ensino

A comunidade educativa galega reuniuse hoxe en Santiago de Compostela para expresar a súa...

A comunidade educativa galega reclama cambios na normativa lingüística no ensino

A comunidade educativa galega reuniuse hoxe en Santiago de Compostela para expresar a súa...

A Asociación de Pacientes denuncia un novo colapso nas urxencias do Hospital Clínico

A Asociación de Pacientes e Usuarios do CHUS alertou este mércores sobre a grave...

Sumar Galicia reclama a construción de vivenda pública en Santiago

A coordinadora comarcal de Movemento Sumar Galicia urxiu este martes ao goberno municipal de...

LEAVE A REPLY

Please enter your comment!
Please enter your name here