InicioMOV. SOCIAISO Ateneo de Santiago entrega o Premio Alfredo Vicenti de Xornalismo Cívico...

O Ateneo de Santiago entrega o Premio Alfredo Vicenti de Xornalismo Cívico 2024

Marta Otero Mayán e Ángel Paniagua reciben os galardóns nun acto que reivindicou o valor do xornalismo comprometido

Publicado o

Xornal de Compostela

O Ateneo de Santiago celebrou este luns a entrega do Premio de Xornalismo Cívico Alfredo Vicenti 2024. Nesta edición, o recoñecemento principal foi para Marta Otero Mayán pola súa reportaxe ‘Somos las esclavas de este siglo’, publicada en La Opinión de A Coruña o 3 de marzo. Ademais, entregouse unha mención honorífica a Ángel Paniagua Pérez polo traballo ‘El ‘chemsex’ dispara las infecciones sexuales’, publicado en La Voz de Galicia o 26 de novembro de 2023.

UN XORNALISMO NECESARIO

O acto foi inaugurado polo presidente do Ateneo de Santiago, Francisco Candela, quen destacou a alta calidade dos traballos presentados e a dificultade do xurado para escoller os premiados. Pola súa banda, Antón Porteiro, da Sección Sociedade da Información, deu lectura á acta de concesión do galardón.

Durante a súa intervención, o representante da Facultade de Ciencias da Comunicación da USC, Xosé Ramón Pousa, eloxiou os galardoados como parte dunha nova xeración de xornalistas “preparados, ben formados e comprometidos coa profesión”. Pousa reflexionou sobre a importancia da reportaxe xornalística, definíndoa como unha ferramenta fundamental que vai máis alá da noticia simple para ofrecer información rigorosa e profunda, pese a ser un formato que require máis recursos e tempo. Segundo afirmou, “se perderon moitas das virtudes do xornalismo tradicional, pero a súa esencia segue viva e necesaria, sobre todo para dar voz aos colectivos máis vulnerables”.

Tras recibir o premio, Marta Otero Mayán agradeceu ao Ateneo a súa sensibilidade ao valorar unha temática como a das traballadoras migrantes, destacando as súas condicións precarias no ámbito dos coidados e do traballo doméstico. A xornalista tamén sinalou os desafíos actuais da profesión: “Cada vez é máis difícil facer o xornalismo que predicaba Alfredo Vicenti polas novas dinámicas de consumo de información e as presións externas”.

Pola súa banda, Ángel Paniagua Pérez reflexionou sobre o concepto de xornalismo cívico, indicando que debería ser un principio inherente a toda práctica xornalística. Con todo, lamentou que hoxe en día “prima o entretemento en detrimento da información e da formación, diluíndo o valor cívico que debe caracterizar ao xornalismo”.

O evento concluíu coas palabras do presidente do Ateneo, Francisco Candela, que felicitou aos premiados e agradeceu a participación dos asistentes, reafirmando o compromiso da entidade coa promoción dun xornalismo ético e ao servizo da sociedade.

ÚLTIMAS

Aisge merca a Sala Yago e prepara a súa reactivación como espazo cultural en Santiago

A Sala Yago, situada na rúa do Vilar de Santiago de Compostela, inicia unha...

Antonio López defende o concerto do Sergas coa USC e di que poderá adaptarse se hai máis graos de Medicina

O reitor da Universidade de Santiago de Compostela (USC), Antonio López, defendeu este mércores...

Vítimas de Angrois esixen un novo informe sobre o accidente do que só se culpa ao maquinista doce anos despois

Vítimas do descarrilamento do tren Alvia ocorrido en Angrois (Santiago) en xullo de 2013...

Yunio Barrueta reforza o Monbus Obradoiro tras abandonar o Leyma Coruña

O Monbus Obradoiro incorpora ao seu cadro para a tempada 2025/26 ao xogador Yunio...

Vítimas de Angrois esixen un novo informe sobre o accidente do que só se culpa ao maquinista doce anos despois

Vítimas do descarrilamento do tren Alvia ocorrido en Angrois (Santiago) en xullo de 2013...

Artistas galegos promoven un acto por Palestina con música, cinema e poesía na Oficina Rúa

O espazo Oficina Rúa, na rúa San Pedro de Santiago de Compostela, acollerá o...

Galiza Nova protestará este vindeiro luns contra a Medalla de Ouro de Galicia da Xunta á princesa Leonor

Galiza Nova, organización xuvenil do BNG, protestará este luns, 14 de xullo, en Santiago...

LEAVE A REPLY

Please enter your comment!
Please enter your name here