O Concello de Santiago continúa a avanzar no seu modelo de compostaxe cun total de 15 illas comunitarias activas, tras a posta en marcha de tres novos puntos no campus sur, fronte á Facultade de Matemáticas, no parque de Xixón e na rúa do Pino, na Almáciga. O balance foi presentado polo concelleiro de Sustentabilidade Ambiental e Servizos Básicos, Xesús Domínguez, quen destacou que desde o inicio do proxecto xa se recuperaron preto de 66 toneladas de residuos orgánicos, transformadas en máis de 20 toneladas de compost.
O edil subliñou que a compostaxe é unha das principais liñas estratéxicas en materia de xestión de residuos e abrangue tres ámbitos: compostaxe individual, con case 2.000 familias que dispoñen de composteiro nas súas vivendas; compostaxe comunitaria, con 15 illas distribuídas polos barrios; e compostaxe industrial, a través do colector marrón.
Entre os exemplos de maior acollida citou a illa de Vidán, ampliada recentemente pola elevada demanda veciñal e dos grandes produtores da zona, o que obrigou a triplicar a súa capacidade inicial. O compost xerado nestas instalacións está dispoñible para a cidadanía, que pode solicitalo a través da web santiagosostible.gal.
Domínguez lembrou que unha familia pode xerar arredor de 400 quilos de orgánicos ao ano, materia que “pode converterse en abono para hortas e xardíns da cidade”. Neste sentido, afirmou que a compostaxe é “a mellor definición de economía circular: o que sae das nosas cociñas pode volver en forma de vida ás hortas e zonas verdes”.
O concelleiro animou a colectivos veciñais, comunidades e persoas interesadas a propoñer novos espazos para composteiros comunitarios mediante o formulario habilitado en liña. As solicitudes valoraranse en función da proximidade a zonas verdes municipais ou edificios de vivendas.
Finalmente, anunciou que nas próximas semanas se reforzará o traballo cos barrios, centros escolares, hostalería e colectivos sociais, organizando reunións veciñais arredor das illas e obradoiros de compostaxe para fomentar a participación cidadá. “Queremos que cada composteiro comunitario sexa tamén un punto de encontro e de conciencia ambiental”, concluíu.
O Concello de Santiago continúa a avanzar no seu modelo de compostaxe cun total de 15 illas comunitarias activas, tras a posta en marcha de tres novos puntos no campus sur, fronte á Facultade de Matemáticas, no parque de Xixón e na rúa do Pino, na Almáciga. O balance foi presentado polo concelleiro de Sustentabilidade Ambiental e Servizos Básicos, Xesús Domínguez, quen destacou que desde o inicio do proxecto xa se recuperaron preto de 66 toneladas de residuos orgánicos, transformadas en máis de 20 toneladas de compost.
O edil subliñou que a compostaxe é unha das principais liñas estratéxicas en materia de xestión de residuos e abrangue tres ámbitos: compostaxe individual, con case 2.000 familias que dispoñen de composteiro nas súas vivendas; compostaxe comunitaria, con 15 illas distribuídas polos barrios; e compostaxe industrial, a través do colector marrón.
Entre os exemplos de maior acollida citou a illa de Vidán, ampliada recentemente pola elevada demanda veciñal e dos grandes produtores da zona, o que obrigou a triplicar a súa capacidade inicial. O compost xerado nestas instalacións está dispoñible para a cidadanía, que pode solicitalo a través da web santiagosostible.gal.
Domínguez lembrou que unha familia pode xerar arredor de 400 quilos de orgánicos ao ano, materia que “pode converterse en abono para hortas e xardíns da cidade”. Neste sentido, afirmou que a compostaxe é “a mellor definición de economía circular: o que sae das nosas cociñas pode volver en forma de vida ás hortas e zonas verdes”.
O concelleiro animou a colectivos veciñais, comunidades e persoas interesadas a propoñer novos espazos para composteiros comunitarios mediante o formulario habilitado en liña. As solicitudes valoraranse en función da proximidade a zonas verdes municipais ou edificios de vivendas.
Finalmente, anunciou que nas próximas semanas se reforzará o traballo cos barrios, centros escolares, hostalería e colectivos sociais, organizando reunións veciñais arredor das illas e obradoiros de compostaxe para fomentar a participación cidadá. “Queremos que cada composteiro comunitario sexa tamén un punto de encontro e de conciencia ambiental”, concluíu.
O edil subliñou que a compostaxe é unha das principais liñas estratéxicas en materia de xestión de residuos e abrangue tres ámbitos: compostaxe individual, con case 2.000 familias que dispoñen de composteiro nas súas vivendas; compostaxe comunitaria, con 15 illas distribuídas polos barrios; e compostaxe industrial, a través do colector marrón.
Entre os exemplos de maior acollida citou a illa de Vidán, ampliada recentemente pola elevada demanda veciñal e dos grandes produtores da zona, o que obrigou a triplicar a súa capacidade inicial. O compost xerado nestas instalacións está dispoñible para a cidadanía, que pode solicitalo a través da web santiagosostible.gal.
Domínguez lembrou que unha familia pode xerar arredor de 400 quilos de orgánicos ao ano, materia que “pode converterse en abono para hortas e xardíns da cidade”. Neste sentido, afirmou que a compostaxe é “a mellor definición de economía circular: o que sae das nosas cociñas pode volver en forma de vida ás hortas e zonas verdes”.
O concelleiro animou a colectivos veciñais, comunidades e persoas interesadas a propoñer novos espazos para composteiros comunitarios mediante o formulario habilitado en liña. As solicitudes valoraranse en función da proximidade a zonas verdes municipais ou edificios de vivendas.
Finalmente, anunciou que nas próximas semanas se reforzará o traballo cos barrios, centros escolares, hostalería e colectivos sociais, organizando reunións veciñais arredor das illas e obradoiros de compostaxe para fomentar a participación cidadá. “Queremos que cada composteiro comunitario sexa tamén un punto de encontro e de conciencia ambiental”, concluíu.
