InicioM. AMBIENTE E PATRIMONIO'O Ulla si' visibiliza a oposición veciñal ao proxecto de Altri en...

‘O Ulla si’ visibiliza a oposición veciñal ao proxecto de Altri en Palas de Rei

O documental, que se proxecta este domingo en Santiago, recolle testemuños e mobilizacións contra a fábrica de celulosa

Publicado o

Xornal de Compostela

O documental O Ulla si chega este domingo a Santiago de Compostela cunha sesión especial no cine Númax, ás 17:35 horas, para mostrar a oposición cidadá ao proxecto industrial da empresa Altri no municipio lucense de Palas de Rei. A proxección inclúe un coloquio con integrantes da Plataforma Ulloa Viva, colectivo ao que se destinará integramente a recadación do evento.

A peza audiovisual, de 65 minutos de duración, recolle testemuños de habitantes das comarcas da Ulloa, Deza e Melide, así como imaxes das mobilizacións sociais contra a instalación da macrofábrica de celulosa impulsada por Altri e Greenalia. A súa realización foi posible grazas a unha convocatoria aberta en redes sociais e WhatsApp, que permitiu que veciños da zona enviasen gravacións propias desde abril ata agosto de 2024.

O proxecto naceu tras unha reunión en Monterroso, onde se constituíron seis equipos de gravación que percorreron aldeas e espazos naturais do río Ulla, documentando as preocupacións ambientais e sociais que xurdiron fronte ao proxecto industrial.

Segundo indicou a Fundación Entretantos, promotora do filme, o documental ofrece “un relato colectivo no que a paisaxe, as voces e a memoria oral flúen como o propio Ulla”, cun enfoque que busca representar “a vida cotiá e a resistencia pacífica das comunidades rurais afectadas”.

A iniciativa súmase a outras accións de denuncia e sensibilización sobre os impactos ecolóxicos e sociais que o proxecto de Altri podería provocar no territorio, especialmente na calidade da auga do Ulla e na sustentabilidade das actividades agrarias e marisqueiras da contorna.

ÚLTIMAS

O PP acusa ao goberno do BNG de vetar por segundo ano a concentración de coches clásicos no Obradoiro

O Club Galego de Automóbiles Antigos volverá quedar fóra das celebracións do Apóstolo en...

O Arcebispo inaugura en Santiago a escultura ‘Homeless Jesus’, símbolo da compaixón cos excluídos

O xardín da Oficina de Acollida do Peregrino, en Santiago de Compostela, conta desde...

O PSdeG solicita no Pleno un plan para arranxar as beirarrúas deterioradas de Fontiñas

O Grupo Municipal Socialista levará ao Pleno do Concello de Santiago unha proposta para...

Sanmartín xustifica a demora na taxa turística, alegando que “hai que escoitar ao sector”

A alcaldesa de Santiago, Goretti Sanmartín, xustificou este luns que o prazo para a...

O PP acusa ao goberno do BNG de vetar por segundo ano a concentración de coches clásicos no Obradoiro

O Club Galego de Automóbiles Antigos volverá quedar fóra das celebracións do Apóstolo en...

O Arcebispo inaugura en Santiago a escultura ‘Homeless Jesus’, símbolo da compaixón cos excluídos

O xardín da Oficina de Acollida do Peregrino, en Santiago de Compostela, conta desde...

O Concello esixe á familia Franco que asuma os custos do traslado das estatuas do Mestre Mateo

O Concello de Santiago deu este luns un paso importante na recuperación das estatuas...

LEAVE A REPLY

Please enter your comment!
Please enter your name here