O director de Administración e Relacións cos Amigos do Camiño de Santiago do Xacobeo, Ildefonso de la Campa, participou hoxe en Durham, Inglaterra, nun acto conmemorativo no que se descubriu unha nova mouteira do Camiño Inglés. Durante o evento, De la Campa destacou a importancia desta ruta, que está a ser unha ponte para estreitar lazos entre Galicia e Inglaterra.
Segundo explicou, o Camiño Inglés está a rexistrar un crecemento significativo, cun aumento do 16% no número de peregrinos. Ata o momento, máis de 25.300 peregrinos recolleron a Compostela tras percorrer esta ruta, situándoa como a cuarta máis popular entre os camiños de Santiago.
De la Campa subliñou o compromiso da Xunta de Galicia en seguir promocionando e potenciando este itinerario de cara ao Xacobeo 2027, dentro do marco do Plan Director dos Camiños de Santiago.
