O Club Financeiro de Santiago (CFS) anuncia para o 26 de novembro un novo foro dedicado a analizar o presente e as perspectivas do turismo na Eurorrexión Galicia-Norte de Portugal, coa vontade de achegar un diagnóstico e liñas de traballo útiles para a actividade económica da comarca compostelá e do conxunto do territorio. A cita servirá ademais para pechar a serie de encontros do 15º aniversario do CFS.
O presidente do CFS, Roberto Pereira, enmarca a programación na procura de asuntos con retorno social e empresarial. “Para la elección de los temas centrales de los foros hemos buscado cuestiones de actualidad e interés para las empresas y la sociedad, pero también con impacto socioeconómico”. Engadiu que “El turismo es una actividad económica muy importante en nuestro territorio, y hacer un diagnóstico de su salud actual, así como cuáles son las recetas para que tenga una evolución positiva y a la vez sostenible es vital”.
O foro estruturase en dúas mesas. A primeira, ás 10:15, abordará a visión do sector turístico —formación, hostalaría e congresos—. Participarán José Antonio Liñares (portavoz da Unión Hotelera Compostela), José Paz (director do Centro Superior de Hostelería de Galicia), Ana Trevisani (presidenta de OPC Galicia-Organizadores profesionais de congresos) e Pepe Formoso (Asociación Profesional do Turismo da Costa da Morte). A moderación correrá a cargo de Ignacio Capeáns, director de Onda Cero Galicia.
A segunda mesa, ás 12:15, centrará a estratexia turística na Eurorrexión. Intervirán Jesús Picallo (vicepresidente do Clúster de Turismo de Galicia), Luis Pedro Martins (presidente da Asociación de Turismo de Porto-Norte de Portugal), Francisco Calheiros (presidente de Solares de Portugal), Melchor Fernández (profesor da Facultade de Ciencias Económicas da USC) e Xosé Manuel Merelles (director de Turismo de Galicia). A xornalista de RadioVoz Eva Millán exercerá como moderadora.
Por razóns de capacidade, é preciso inscribirse previamente escribindo a info@clubfinancierodesantiago.com. Para consultas de medios, o contacto de prensa é 629 631 487 e devesa@incis.net. Co peche desta sesión, o CFS dá por concluída a xeira de debates do seu aniversario, cun último foco informativo de interese para Compostela e a súa área, onde o turismo segue a ter un peso determinante na actividade económica e nos fluxos de mobilidade e eventos profesionais.
