InicioDEPORTESO Monbus Obradoiro impónse en Sevilla e rompe a imbatibilidade do Betis

O Monbus Obradoiro impónse en Sevilla e rompe a imbatibilidade do Betis

O equipo compostelán forza a prórroga cun triple de Barcello e sentenza cunha canastra final de Balvin

Publicado o

Xornal de Compostela

O Monbus Obradoiro conseguiu unha das vitorias máis destacadas da tempada tras superar ao Real Betis por 77-78 no Palacio Municipal de Deportes de San Pablo, nun encontro que requiriu dunha prórroga e que puxo fin á racha de imbatibilidade como local do equipo andaluz. A escuadra compostelá, dirixida por Félix Alonso, remonta así un partido que comezou con serias dificultades ofensivas.

O técnico galego recoñeceu ao remate do partido que o seu equipo entrou frío ao encontro, chegando a estar 14 puntos abaixo no primeiro cuarto (18-4), e anotando só 7 puntos nese tramo inicial. Porén, o segundo cuarto marcou un punto de inflexión, cunha maior conexión no xogo e unha notable mellora defensiva. Ao descanso, o marcador xa reflectía un axustado 30-31 favorable aos visitantes.

A segunda metade do partido estivo marcada pola intensidade defensiva de ambos equipos, cun Monbus Obradoiro máis entoado en ataque. Un triple de Davison deu a maior vantaxe para os composteláns no terceiro cuarto (34-40), aínda que o conxunto bético mantívose na pelexa e remontou no último cuarto cun parcial de 9-0 que os puxo por diante (61-59).

Cando todo parecía decidido, Alex Barcello apareceu a seis segundos do final para anotar un triple decisivo que levou o encontro á prórroga (66-66). No tempo extra, o Betis chegou a dominar (75-71), pero o Obradoiro non perdeu a compostura e, tras empatar o encontro, foi Balvin quen sentenciou cunha canastra a 9 segundos do final que supuxo o triunfo galego.

Na rolda de prensa posterior, Félix Alonso destacou a capacidade do seu equipo para manter a calma nos momentos decisivos: “Foi un partido de altísimo nivel, cun rival que non perdera na casa en toda a tempada. Pero estivemos acertados nos detalles clave e soubemos sufrir para sacar o partido”. Tamén quixo agradecer ao seu corpo técnico a preparación da xogada que permitiu forzar a prórroga.

Con esta vitoria, o Monbus Obradoiro mantén a súa bo momento de forma, con nove triunfos consecutivos, e segue consolidando a súa posición como un dos aspirantes ao ascenso na Primeira FEB. O próximo compromiso do equipo será contra o Lucentum Alicante, nun calendario que se presenta esixente ata o final da tempada.

ÚLTIMAS

(COMPLETO) “Muller, abrigo”: o mural que acolle un barrio enteiro

O sol, filtrado polas nubes finas de agosto, deixa caer unha luz dourada sobre...

A USC, por baixo das 500 mellores universidades do mundo

Só 10 universidades españolas sitúanse entre as 500 mellores do mundo, segundo o Ranking Académico...

O Concello reduce ao imprescindible o uso municipal da auga ante a redución continuada do caudal do Tambre

O Concello de Santiago reduciu ao imprescindible o uso municipal de auga e anima...

Buscan ao sospeitoso de provocar un incendio este martes á beira do cemiterio de Boisaca

A Policía Local de Santiago de Compostela busca ao sospeitoso de orixinar un incendio xunto ao...

O Monbus Obradoiro comeza a pretempada o 18 de agosto baixo a dirección de Epi

O Monbus Obradoiro xa ten marcada a data de inicio da súa pretempada: será...

Adrián Armental regresa ao Compos para liderar o ataque cara ao ascenso

A Sociedade Deportiva Compostela vén de anunciar a incorporación do extremo Adrián Armental González...

Felipe Dos Anjos reforza o xogo interior do Monbus Obradoiro para as dúas próximas tempadas

O Monbus Obradoiro anunciou a incorporación do pívot Felipe Dos Anjos para as dúas...

LEAVE A REPLY

Please enter your comment!
Please enter your name here