InicioCULTURAMáis de 400 representantes dos Entroidos galegos desfilan por Santiago para promover...

Máis de 400 representantes dos Entroidos galegos desfilan por Santiago para promover a desestacionalización

"Esta é unha maneira que nos está dando resultados á hora de desestacionalizar o noso turismo, para que veñan no inverno e queden en Galicia durante varios días que dura o entroido", dixo o director de Turismo de Galicia.

Publicado o

Xornal de Compostela

Máis de 400 persoas participaron este sábado no desfile de ‘entroidos’ tradicionais que cada ano organiza a Xunta durante o verán como incentivo para que os visitantes coñezan os recursos galegos e volvan a Galicia durante o inverno para participar destas festividades. O director de Turismo de Galicia, Xosé Merelles, asistiu á saída desde a Prazado Obradoiro, en Santiago de Compostela, e animou a que visitantes e turistas volvan durante o inverno “para coñecer recursos que nos fan únicos como destino, como son os nosos entroidos tradicionais”.

“Esta é unha maneira que nos está dando resultados á hora de desestacionalizar o noso turismo, para que veñan no inverno e queden en Galicia durante varios días que dura o entroido”, dixo o director de Turismo de Galicia. Esta acción impulsada e promovida por Turismo de Galicia, lembrou Merelles, vén desenvolvendo nos últimos anos e está a ter “unha importante resposta” tanto á hora de dar a coñecer esta celebración como no índice de asistentes a estas citas, que se celebran en pleno inverno e “que están a ver como cada ano se incrementa o interese”.

Xosé Merelles lembrou que Galicia está a avanzar en desestacionalización, con importantes incrementos de demanda turística fóra de tempada alta. No que se refire ao Camiño de Santiago, explicou que este ano, en xaneiro e febreiro, incrementouse o número de Compostelas un 10 % e un 6 %; e no que se refire a a actividade turística habitual, este ano tamén destacou o positivo comportamento de meses como febreiro, no que a demanda hoteleira creceu case un 4 %, ou maio, onde os establecementos rexistraron un incremento dun 14 %.

Nesta iniciativa participaron representantes de catro entroidos declarados Festa de Interese Turístico (Vilaboa, Verín, Viana do Bolo e Xenerales da Ulla) e outros 10 entroidos convidados dentro dos moitos ‘entroidos’ que enriquecen Galicia. Nesta edición foron os Volantes de Chantada, as Bonitas de Sande (Cartelle), os Vellaróns de Riós, o Entroido de Samede (Paderne), os Galos da Mezquita (A Merca), os Follateiros (Lobios), os Madamitos e Madamitas de Entrimo, os Felos de Esgos, Fulión de Buxán e os Mudados de Ribadetea (Ponteareas).

ÚLTIMAS

Raxoi, en resposta á conselleira de Vivenda, reitera que fará todo o que está “na súa man” para atallar a cuestión da vivenda

A portavoz municipal do Concello de Santiago, Míriam Louzao, insistiu en que "unha das preocupacións máis...

O pleno extraordinario polos concelleiros díscolos do PSOE e a taxa turística será este venres

O Concello de Santiago anunciou este luns que será o vindeiro venres cando celebre o pleno...

Lara Méndez asegura que o PSdeG traballará por unha candidatura forte en Santiago para 2027

A secretaria de Organización e viceportavoz parlamentaria do PSdeG, Lara Méndez, recoñeceu este luns...

Bonos Corazón 2025: nova convocatoria para dinamizar o comercio local en Santiago de Compostela

Santiago de Compostela dará inicio á nova edición dos Bonos Corazón 2025, unha iniciativa...

O DivierTTPark tras o incendio: “Limpamos todo nós mesmos, alugamos un andamio de 8 metros e fixémolo”

Falamos con Jonathan Weber, un alemán afincado no Milladoiro, que xunto co seu equipo...

A Romaría das Flores trae música, lecer e gastronomía ao Parque de Belvís

A Romaría das Flores, que se celebrará o próximo sábado 31 de maio no Parque...

O Nobel norteamericano Kip Thorne, preocupado polas relacións de Trump e Putin e unha futura guerra nuclear

O premio Nobel de física en 2017, Kip Thorne (Utah, 1940), mostrou a súa...