A exposición ‘Unha vida viquinga’ recibiu case 15.000 visitas no primeiro mes de apertura, o que supón que cada día unha media de 600 persoas achegáronse ao Museo Centro Gaiás da Cidade da Cultura de Galicia. Así o informa a Xunta que explica que “a elevada demanda provocou que, nestas primeira semanas, cubrísese a práctica totalidade das prazas nas tres quendas diarias de visitas comentadas que programou o Servizo de Educación do Museo, visitas que se ofrecen gratis”.
Inaugurada o 12 de xullo e comisariada pola doutora en Estudos Escandinavos, Irene García, ‘Unha vida viquinga’ é unha das maiores mostras realizadas en España sobre esta cultura, destaca a Consellería de Cultura. Trátase unha proposta desenvolvida en colaboración con Museos Nacionais de Historia e Arqueoloxía de Suecia, Dinamarca, Francia e España. O relato da exposición articúlase ao redor dos períodos vitais dunha persoa durante a era viquinga.
