O Camiño de Santiago renovou a súa certificación como Primeiro Itinerario Cultural Europeo, unha denominación que outorga a Federación Europea do Camiño de Santiago e que este defende desde hai “máis de 30 anos”. Esta federación, organismo que integra a administracións públicas de 10 países, foi a encargada de comunicar á Xunta a renovación desta distinción.
Un recoñecemento que revalidaron despois dun “rigoroso proceso” de avaliación e que “pon en valor” a cooperación en materia de investigación e desenvolvemento, o intercambio de coñecementos en diferentes disciplinas e a promoción dos “valores europeos” de convivencia. Ademais, dentro dos criterios que se tiveron en conta no proceso de avaliación está “fomentar” o turismo local, o desarollo sustentable e o “respecto” ás identidades locais e rexionais.
Desde o Instituto Europeo de Itinerarios Culturais subliñaron o papel que se levou a cabo para pór en valor a historia e patrimonio cultural de Europa a través do Camiño de Santiago. Tamén felicitaron á Xunta pola súa “participación activa” para “manter” os criterios establecidos polo Consello de Europa. A primeira vez que o Consello de Europa recoñeceu o Camiño de Santiago como Primeiro Itinerario Cultural foi no ano 1987 e desde entón, o fenómeno da peregrinación ha ido evolucionando ano tras ano.
Actualmente, o número de Compostelas entregadas supera as 20.000, o que supón un “crecemento dun 16%” con respecto ao ano anterior, unha subida que tamén experimentou a “internacionalización” do Camiño, xa que “o 65% dos peregrinos son estranxeiros”.
