InicioCULTURAA ocupación hoteleira en Santiago roza o 100% a poucos días do...

A ocupación hoteleira en Santiago roza o 100% a poucos días do Son do Camiño

O festival Son do Camiño atrae máis de 40.000 persoas e contribúe ao cheo nos hoteis da cidade

Publicado o

Xornal de Compostela

A ocupación hoteleira en Santiago de Compostela roza xa o 100% a comezos da tempada alta e a pouco máis dunha semana para que arrinque o Son do Camiño, que congregará en O Monte do Gozo a máis de 40.000 persoas para ver a Green Day, J Balvin ou Pet Shop Boys.

Segundo os datos que manexa a Asociación Hostalaría Compostela, a ocupación móvese en torno ao 97,4% a 22 de maio. Aínda que hai moitos establecementos xa completos, apuntan que aínda quedan camas libres nalgúns hostels e habitacións en establecementos do extrarradio.

Con todo, matizan que o cheo non se debe só á celebración do festival e destacan que maio é xa un mes de “ocupación alta”, “con moito turista estranxeiro porque coincide con períodos vacacionais”, ademais dos fins de semana adoita haber xa unha ocupación “moi alta” só con turistas.

O festival axuda, sobre todo, aos hoteis que se atopan fóra do centro histórico, moitos deles xa no 95% e “probablemente, no 100%” para eses días.

GREEN DAY, J BALVIN E MELENDI

O Son do Camiño volverá reunir a máis de 40.000 persoas na que será a súa quinta edición. Entre o xoves 30 de maio e o sábado 1 de xuño, o Monte do Gozo albergará as actuacións de Green Day, J Balvin e Thirty Seconds to Mars, entre outros.

O festival naceu en 2018 co obxectivo de “pór a Galicia no mapa do turismo musical nacional así como promocionar dous dos principais estandartes da cultura galega: o Camiño de Santiago e o Ano Santo”.

Ademais, contará de novo con Estrela Galicia como principal patrocinador privado. A compañía galega leva colaborando co festival desde a súa primeira edición.

O festival arrincará da man de artistas internacionais como Green Day e J Balvin, acompañados por outros nacionais como Arde Bogotá, Fernandocosta e Berto. Tamén estarán The Interrupters, Mattn, Hot Milk e Maryland.

O novo e terceiro escenario do festival santiagués Son Electro by Repsol, especializado na música electrónica, contará o xoves 30 con Trym, Patrick Mason, Daria Kolosava, Kalte Liebe (Live), Parkineos, Barbara Lago e Kike Varela.

O venres 31 estarán en Santiago Pet Shop Boys, Myke Towers, Love Of Lesbian, Natos e Waor, Icona Pop, La Oreja de Van Gogh, Recycled J, Judeline, Marilia Monzón e Monoulious DOP nos dous escenarios do mítico auditorio. Pola súa banda, en Son Electro by Repsol estarán Solardo, Ben Hemsley, Viviana Casanova, Cristina Tosio, Toni Varga e Richi Risco.

Xa na última xornada, será a quenda de Thirty Seconds To Mars, Melendi, Tom Odell, Rels B, Wade, Ana Mena, Baiuca, BB Trickz, Carlos Ares e New Wave Kill. En Son Electro By Repsol, Vitalic (Live), Tiida, Âme Hendrik Schwarz (Live), Héctor Llamazares, Karras Martínes e Grobas.

ÚLTIMAS

Comeza O Son do Camiño marcado pola polémica vinculación cos fondos de investimento proisraelí de KKR

Hoxe, 13 de xuño, arrinca en Santiago de Compostela unha nova edición do Son...

Rematan as obras no cruzamento entre Xeneral Pardiñas e República do Salvador, reabrindo o paso peonil

As obras de mellora no cruzamento entre as rúas Xeneral Pardiñas e República do...

O BNG acusa o PP de usar O Son do Camiño para desprestixar as festas tradicionais de Santiago

A portavoz municipal do BNG en Santiago, Míriam Louzao, cargou este mércores contra o...

Un detido por agresión con arma branca no mercado de Salgueiriños en Santiago

Un home foi detido pola Policía Nacional na mañá deste xoves por unha agresión...

Comeza O Son do Camiño marcado pola polémica vinculación cos fondos de investimento proisraelí de KKR

Hoxe, 13 de xuño, arrinca en Santiago de Compostela unha nova edición do Son...

Duki, Bryan Adams e Franz Ferdinand inauguran O Son do Camiño

A sexta edición do festival O Son do Camiño inaugurarase este xoves no xa...

Santiago celebra o Orgullo cun mes cheo de actividades culturais, educativas e reivindicativas

O Concello de Santiago de Compostela vén de anunciar unha nova campaña institucional centrada...