InicioCULTURAQuen era Luz Fandiño? As galegas despídense desta recoñecida poeta compostelá

Quen era Luz Fandiño? As galegas despídense desta recoñecida poeta compostelá

Publicado o

Por Míriam Ferraces Fernández

Marina Luz Fandiño Rodríguez, máis coñecida como Luz Fandiño, unha das máis ilustres poetas que viu nacer Santiago de Compostela, faleceu o pasado domingo 28 de abril aos 92 anos. Co seu paso deixou unha profunda pegada no panorama cultural galego, pero, quen foi esta muller que enriqueceu as nosas vidas coa súa poesía e a súa comprometida militancia?

Nada no barrio de Sar en Santiago de Compostela o 23 de novembro de 1931, Luz Fandiño iniciou unha vida marcada pola literatura e o activismo dende moi nova. A súa mocidade estivo definida pola emigración, primeiro a Arxentina e máis tarde a Francia, experiencias que enriqueceron a súa visión do mundo e influíron profundamente na súa escrita. En 1979, tras estes anos de maduración persoal e profesional, Luz regresou a Santiago onde comezou a destacar como voz influínte na literatura galega. Os seus versos, cheos de honestidade e forza, reflexan as vivencias dunha muller comprometida coa súa época e coa súa xente. 

Pero o legado de Luz Fandiño non se limita á poesía, xa que a súa vida estivo marcada pola militancia en causas sociais e políticas.  Colaborou activamente con medios como Radio Galega e participou en múltiples colectivos culturais como Redes Escarlata e Mulheres Trasgredindo, dedicándose tanto á defensa da lingua galega como ao empoderamento feminino a través da poesía. A súa participación activa en campañas sociais xogou un papel crucial no fomento dunha conciencia crítica entre os galegos.

Os recoñecementos a Luz Fandiño ao longo da súa traxectoria son testemuña do seu impacto duradeiro na cultura galega. En 2019, foi galardoada co XI Premio Freire Carril de Agromadas de Seixalbo; dous anos máis tarde, recibiu o XX Premio Ramón Piñeiro “Facer País” e en 2023, a Diputación Provincial da Coruña outorgoulle o VII Premio “Begoña Caamaño” á acción cultural pola igualdade de xénero. Ademais, a súa vida e legado foron inmortalizados no documental ‘A poeta analfabeta’, dirixido por Sonia Méndez en 2020, que non só explorou a súa obra literaria senón tamén o seu activismo, o que consolidou -ainda máis- a súa obra e activismo. 

Dende onte, as galegas despiden a unha das súas máis grandes voces poéticas. Nas redes sociais, os seus  admiradores expresan o seu pesar pola perda dunha muller que deixou unha pegada imborrable nas nosas vidas. “Hoxe é un día moi triste en Compostela e na Galiza. O Concello lembrará quen con tanto entusiasmo viviu e loitou connosco“, escribiu Goretti Sanmartin, alcaldesa de Santiago de Compostela en Twitter.

Outro admirador escribía: “Inesquecíbel #LuzFandiño aquel 8F reprendendo os antidisturbios despois das cargas“.

 

As mensaxes de agradecemento e admiración encheron as redes sociais, testemuño do impacto que a súa obra tivo nas vidas de moitas persoas.

Luz Fandiño deixa un baleiro irreparable na cultura galega. A súa poesía seguirá recordándonos a importancia de loitar polos nosos soños e ideais, e aínda que a súa luz se apague na terra, o seu legado permanecerá naqueles que atoparon na súa obra inspiración e consolo.

 

ÚLTIMAS

O Concello de Santiago adapta o proxecto de reurbanización de Castrón Douro para recuperar a rasante orixinal da rúa

A Xunta de Goberno Local de Santiago aprobou a adxudicación do contrato para redactar...

Xulgado un home por estafar a un veciño de Santiago na venda dunha autocaravana

A sección sexta da Audiencia Provincial da Coruña celebrará o vindeiro xoves 17 de...

O PSdeG denuncia o “estado lamentable” do río Sar á altura da Ponte do Sar

A concelleira socialista Marta Abal denunciou este domingo o “estado lamentable” do tramo do...

Raxoi prepara unha nova solicitude tras recibir o seu recurso para declarar a cidade zona tensionada o ‘non’ da Xunta

A Consellería de Vivenda e Planificación de Infraestruturas desestimou o recurso presentado polo Concello de Santiago para ser...

O Concurso Compostela Lírica reúne oitenta voces de vinte e dous países na súa oitava edición

O VIII Concurso de Canto Compostela Lírica reunirá este mes de novembro a un...

O Magosto da Rocha Forte reunirá veciños e amizades este sábado

A Asociación Cultural Rocha Forte convoca un novo magosto veciñal este sábado 11 de...

O compostelán Andrés Rodís gaña o XIV Premio Auditorio de Galicia para Artistas Noveis

O artista Andrés Rodís, natural de Santiago de Compostela, foi proclamado gañador do Décimo...

LEAVE A REPLY

Please enter your comment!
Please enter your name here