A Asociación Cultural Rocha Forte convoca un novo magosto veciñal este sábado 11 de outubro, unha cita xa habitual no calendario outonal da contorna compostelá. O encontro terá lugar no centro sociocultural da Rocha Vella, a partir das 19:00, e está aberto a socios, amigos e veciños que queiran compartir unha tarde de convivencia e tradición.
Dende a Asociación Cultural Rocha Forte animan a toda a veciñanza de Santiago e arredores a achegarse e participar neste magosto tradicional, símbolo de amizade e encontro na parroquia da Rocha.
