O evento WOS Festival x SON Estrella Galicia de cultura contemporánea celebrará a súa oitava edición do 11 ao 14 de setembro en Santiago e xa conta con entradas á venda.
Segundo trasladou a produtora compostelá Work On Sunday nunha nota de prensa, o evento ofrecerá durante catro xornadas unha programación multidisciplinar que se desenvolverá en máis de dez espazos da cidade.
Entre as actividades que se desenvolverán, a produtora destacou as sesións de música electrónica, performances, proxeccións audiovisuais e mesas de debate.
As entradas para o evento están á venda na plataforma DI, cun número limitado de abonos para asistir a prezo reducido, os ‘Early Birds’. Tamén está dispoñible o abono Festival Pass, que inclúe toda a programación do catro xornadas e o Weekend Pass, para os concertos do venres 12 e o sábado 13, e o directo de peche do domingo 14 de setembro.
Ademais, como novidade, os abonos incluirán a posibilidade de asistir ás proxeccións cinematográficas de NUMAX, atendendo así unha demanda do público de anteriores edicións.
