InicioCULTURA'Serán'04' reúne no Gaiás a un milleiro de intérpretes de música e...

‘Serán’04’ reúne no Gaiás a un milleiro de intérpretes de música e baile tradicional: este é o programa

Terá lugar entre o 20 e o 22 de xuño

Publicado o

Xornal de Compostela

O conselleiro de Cultura, Lingua e Xuventude, José López Campos, avanzou este martes o programa do IV edición de ‘Serán04, Encontro Galego de Cultura Popular’, un evento protagonizado pola música e baile tradicional que regresa ao Gaiás no marco da programación das Letras Galegas. Así, entre o 20 e o 22 de xuño, a iniciativa reunirá na Cidade da Cultura ata un milleiro de artistas e intérpretes e 40 agrupacións de baile, canto e pandeireta.

O responsable autonómico destacou que nesta cuarta edición as pandereteiras e cantareiras serán “destacadas protagonistas”. “A súa figura foi fundamental na creación, preservación e transmisión da cultura popular, e este 2025 son merecidamente homenaxeadas nas Letras, pois é imposible entender o folclore e a música galega sen elas”, apuntou. López Campos explicou que Serán04 reunirá nunha gran foliada a toda a riqueza etnográfica, folclórica e creatividade tradicional de Galicia, “converténdose na verdadeira celebración da cultura popular e patrimonio inmaterial”.

17.000 ASISTENTES EN TRES EDICIÓNS

Nas súas tres edicións previas, celebradas tamén na Cidade da Cultura, a iniciativa congregou a máis de 17.000 asistentes. Nesta cuarta entrega, e coincidindo coa celebración do Día Europeo da Música e o arranque da programación do verán no Gaiás, volve cun programa gratuíto de concertos, espectáculos e festivais ao redor da música e o baile tradicional de Galicia. Como novidade, o programa incorpora na noite do venres 20 de xuño un festival folk que reunirá a algúns dos nomes máis destacados do tradi actual, como a banda ‘De Ninghures’, unha das revelacións da música galega dos últimos anos.

Compartirán escenario con Xabier Díaz, acompañado das Adufeiras de Salitre, Xosé Lois Romeu; Aliboria; e Tres Pesos, agrupación integrada por Xoán Porto, Xosé Antón Ferreira e Felisa Segade: os tres suman centos de horas sobre os escenarios con proxectos como Leilía, Malveiras, Limagoia, Brincadeira e A Ponte Vella, entre outros. O programa incluirá tamén 15 masterclasses profesionais impartidas polo profesorado especializado en música e baile máis destacado do momento, con nomes como Olga Kirk, Luís Prego, Serxio Cobos, María Vida, Xosé Lois Romeu, Montse Rivera ou Felisa Segade, entre outros. Incluiranse ademais contidos formativos novos como unha clase de iniciación á pandeireta para persoas con discapacidade ou unha de bordado co modisto e especialista en traxe tradicional, Álex Regueiro.

Non faltará tampouco o tradicional foliadón da noite do sábado, con cinco horas de música e baile e centos de intérpretes reunidos sobre o escenario, unha exposición de traxe tradicional ou un certame de coros enxebres onde actuarán o Coro tradicional Xacarandaina, Cantares do Brión (Gondomar), a Coral de Ruada (Ourense) e as Pandeireteiras de XOC (Xacarandaina-Ou Fiadeiro-Cantigas e Agarimos). O Serán’04 despedirase o domingo 22 de xuño cunha exhibición de baile tradicional na que participarán oito agrupacións de toda Galicia: Tequexetéldere (A Estrada), Aturuxo (A Coruña), Lembranzas da Ría (Cangas), Arume de Caión (Laracha), Traspés (Vigo), Buxaina (Cedeira), Son D’Aquí (A Coruña) e Saíñas (Xove).

ÚLTIMAS

A estación intermodal de Santiago inaugúrase oficialmente co nome de Daniel Castelao

A cidade de Santiago de Compostela celebrou este martes a inauguración oficial da súa...

Reproches da Xunta ao Goberno Central na apertura da estación Intermodal

O conselleiro de Presidencia, Deporte e Xustiza, Diego Calvo, reprochou ao Goberno central "falta...

O decano de Matemáticas da USC reclama ao conselleiro de Educación unha reunión “urxente” sobre o máster

O decano da Facultade de Matemáticas da Universidade de Santiago de Compostela (USC), Alberto...

Un camión de mercadorías perigosas sofre un incendio na AP-9 ao seu paso por Teo

Os bombeiros do parque provincial de Boiro actuaron nun incendio nun camión de mercadorías...

Curtocircuíto reivindica en Compostela o cinema como dereito accesible e espazo de encontro

Curtocircuíto volve tomar Santiago de Compostela cunha edición que aposta por facer do cinema...

O WOS Festival confirma os primeiros 14 artistas da súa oitava edición e activa a venda anticipada de abonos

O WOS Festival x SON Estrella Galicia presentou este luns os primeiros 14 nomes...

A veciñanza de Galeras celebra o San Xoán cun debate sobre o río Sarela e recollida de herbas

A Asociación de Veciños Plataforma de Galeras celebrará o San Xoán o vindeiro luns...