-
Festas e eventos
Santiago(é)Tapas 2025: Do 13 de febreiro ao 2 de marzo, Santiago de Compostela acolle a décimo sexta edición do concurso gastronómico Santiago(é)Tapas. Nesta ocasión, 42 establecementos ofrecerán un total de 68 tapas que destacan polos seus sabores tradicionais e innovación culinaria. O evento divídese en diferentes rutas inspiradas nos camiños de peregrinación e busca dinamizar a hostalaría local. As tapas terán prezos entre 2 e 4 euros e estarán dispoñibles en franxas horarias establecidas. Os asistentes poderán votar as súas favoritas mediante o “Tapasporte”, mentres que un xurado escollerá as mellores propostas en distintas categorías.
-
Música
VII Festival Rosalía: Do 21 ao 23 de febreiro Santiago de Compostela celebrará a sétima edición do Festival Rosalía, unha homenaxe á poeta galega con música, poesía e teatro. O sábado 22, a Praza de Mazarelos será o escenario central con actuacións como a de Uxía Lambona e a Banda Molona ás 12:30h. e o concerto de Caamaño & Ameixeiras ás 20:00h. O domingo 23, a sesión vermú contará coa música de Laura LaMontagne & PicoAmperio ás 13:30h., pechando o festival cunha emotiva actuación de Antía Muíño ás 19:00 h. Todas as actividades serán de acceso gratuíto.
-
Teatro e espectáculos
Ballet Clásico de Cuba presenta “O Lago dos Cisnes”: O venres 21 de febreiro ás 20:30 horas, o Auditorio Abanca de Santiago de Compostela acollerá a representación do emblemático ballet “O Lago dos Cisnes” a cargo do Ballet Clásico de Cuba, baixo a dirección de Laura Alonso, filla dos fundadores da compañía. As entradas están dispoñibles desde 27,50 euros en Ataquilla.com.
-
Infantil
Popeye. O Musical: O domingo 23 de febreiro, ás 18:00 horas, o Auditorio de Galicia en Santiago de Compostela acollerá “Popeye. O Musical”, un espectáculo para público familiar que combina música, baile e teatro para narrar as aventuras do popular mariñeiro Popeye e os seus amigos. As entradas están dispoñibles desde 15 euros en entradas360.com.
