Esta semana finalmente remataron os exames finais e os universitarios só queren desfrutar dos últimos días antes de volver ás aulas este martes 28 de xaneiro tras o festivo da Universidade polo patrón do estudantado: Santo Tomás de Aquino.
Entre as opcións para desconectar moitos volveron á casa para descansar, pasar tempo cos seus amigos e familias antes de volver e sobre todo recuperar as horas de sono que os inmensos temarios arrebataron a moitos estudantes durante estas última semanas.
Para aqueles que quedaron na cidade universitaria puideron asistir a algún dos catro concertos de Baiuca na Sala Capitol, pois este artista acaparou o recinto conseguindo agotar as entradas das catro datas. Tamén houbo moitas celebracións de fin de exames en pubs e discotecas como Tarasca, Circus, Vanitas e Chanteclair, onde sucedeu a esperada macrofesta organizada por Salseo Usc.
Ademais dos estudantes de Erasmus que aproveitaron para facer a última viaxe antes de regresar aos seus países, algúns estudantes locais quixeron irse lonxe para despexarse. Entre as opcións máis baratas que houbo para esta fin de exames con saída do aeroporto de Santiago de Compostela foron algunhas das illas do noso país: Santa Cruz de Tenerife (con tarifas desde 30 euros para os avións de ida de volta), As Palmas de Gran Canaria (30 anos) e Lanzarote (30 anos). Dentro da península tivemos outros destinos tamén moi asequibles como Valencia (36 euros) e Madrid (38 euros).
A continuación amosamos unha gráfica cos datos recollidos a partir dun cuestionario realizado a estudantado da Universidade de Santiago.
