InicioCULTURA(AXENDA) Comeza o ano con cultura: mellores plans para a segunda fin...

(AXENDA) Comeza o ano con cultura: mellores plans para a segunda fin de semana de xaneiro en Santiago de Compostela

Arrinca o 2025 con unha axenda cultural diversa en Santiago: arte, música, exposicións, espectáculos infantís e deporte! Deixámosche aquí unha pequena selección:

Publicado o

Por Míriam Ferraces Fernández
  • FESTAS E EVENTOS

Feira de antigüidades e coleccionismo: Os días 11 e 12 de xaneiro, Área Central acollerá a primeira edición da Feira de Antigüidades e Coleccionismo, organizada pola asociación cultural Ferro Vello. Haberá trinta stands con produtos como porcelana, libros, reloxos, maletas, máquinas de escribir, selos e lámpadas. O horario será o sábado de 11.00 a 21.00 h. e o domingo de 11.00 a 20.00 h. A entrada é de balde e terá lugar na esquina vermella e azul de Área Central. Ademais, inclúe un mercadillo de produtos Playmobil e un sorteo de 300 euros para gastar na feira.

Cartaz da I feira de antigüidades e coleccionismo de Área Central – areacentral.es
  • MÚSICA

Tarque & La Asociación del Riff: A banda de rock liderada por Carlos Tarque actuará o sábado 11 de xaneiro na Sala Capitol como parte da súa xira Volumen 2, e  estará acompañado por Carlos Raya, Iván González ‘Chapo’ e Eduardo Giménez ‘Coki’, presentando os temas do seu último disco. As entradas están dispoñibles desde 25 euros e a apertura de portas será ás 20:30 h.

Imaxe promocional do grupo Tarque – cultura.gal

 

  • EXPOSICIÓNS

Outras historias posibles: Ata o 26 de xaneiro de 2025, a Cidade da Cultura de Galicia acolle a exposición Outras historias posibles, unha mostra que reúne o traballo de seis artistas contemporáneas galegas ou vinculadas á nosa terra: Ana García Pan, Emilia Guimeráns, Anne Heyvaert, Tusi Sandoval, Blanca Silva e Laura Terré. Comisariada por Susana Cendán, a exposición revisa as súas traxectorias nos anos 80, destacando o seu talento e dedicación nun contexto pouco favorable para a creación artística feminina. A mostra combina un enfoque reivindicativo e celebratorio, situando a obra destas creadoras no lugar que merece na historia da arte contemporánea. Entrada libre ata completar capacidade.

Exposición – cidadedacultura.gal

 

  • INFANTIL

Ondamina: O sábado 11 de xaneiro ás 12:00 horas, a Biblioteca Pública Ánxel Casal será o escenario do espectáculo Ondamina, a cargo de Mamá Cabra, con motivo do Día da Usuaria e do Usuario. Trátase dun casting musical interactivo para nenos e nenas de 1 a 6 anos, onde a música, o baile e o xogo serán os protagonistas. O evento terá lugar no salón de actos, dirixido a público familiar, e a entrada será libre ata completar a capacidade.

Imaxe de MamáCabra – cultura.gal
  • DEPORTE

Primeira FEB: Monbus Obradoiro-Alimerka Oviedo Baloncesto: O sábado 11 de xaneiro ás 18:30 horas, o Monbus Obradoiro enfrontarase ao Alimerka Oviedo Baloncesto nun partido da Liga Primeira FEB. O encontro terá lugar no pavillón situado na Rúa Diego Bernal, O Multiusos Fontes do Sar. Entradas dispoñibles na páxina web do club: ‘Obradoirocab.com’.

 

ÚLTIMAS

Santiago conta con 406 vivendas turísticas pero só 66 teñen licenza municipal

O Ministerio de Dereitos Sociais, Consumo e Axenda 2030, liderado por Pablo Bustinduy, entregará á...

O ERE de Televés provocará 34 despedimentos e dúas recolocacións tras aceptar os traballadores en asemblea o acordo

O Expediente de Regulación de Emprego (ERE) da compañía compostelá Televés provocará 34 despedimentos (29 forzosos...

Sanmartín anuncia un pleno extraordinario para tratar o paso dos concelleiros expulsados do PSdeG ao grupo dos non adscritos

A alcaldesa de Santiago de Compostela, Goretti Sanmartín, anunciou a celebración dun pleno extraordinario...

25 de abril, sempre: un ano facendo Xornal de Compostela

Hai exactamente doce meses escollemos esta data, símbolo de liberdade e dignidade, para darlle...

Mostra bibliográfica en Compostela polo XX aniversario do Premio Castelao de Banda Deseñada

A Deputación da Coruña abriu ao público unha mostra bibliográfica polo XX Aniversario do...

Santiago celebra ‘LeComigo’ este domingo, un encontro para ler en silencio e falar con vinte escritores

Santiago de Compostela acollerá este domingo a iniciativa 'LeComigo', un encontro pensado para reunir...

A obra gañadora do Premio Rafael Dieste chega ás librarías con foco no Hospital de Conxo

A obra Conxo, non restraint, escrita por Alberto Ramos, xa está dispoñible nas librarías...

LEAVE A REPLY

Please enter your comment!
Please enter your name here