Despois de que hai un mes, o festival O Son do Camiño puxese á venda o seu primeiro grupo de entradas a través dos abonos fieis, hai tan só unha semana a organización do concerto desvelaba os artistas que participarían na súa edición do ano 2025.
Un total de 23 bandas actuarán en tres escenarios no Monte do Gozo, destacando algúns grupos como Duki, Bag Gyal ou Estopa. Porén, este festival segue a ser un grande obxecto de debate dentro dos afeccionados á música e os concertos.
Xornal de Compostela quixo saber máis sobre a opinión da xente máis nova sobre este festival e saiu hoxe á rúa para preguntar sobre a opinión que existe en Santiago sobre o cartel deste festival. Destas conversas xurdiron ideas encontradas, dende aquelas persoas que xa teñen mercada a súa entrada a outras que aseguran que o festival debe mellorar o seu cartel.
Podes ver as enquisas completas no vídeo das nosas redes.
Ver esta publicación en Instagram
