Tras o visionado do documental BRAVÚ XXX no Centro Xove da Almáciga, Xurxo Souto participou nun coloquio acompañado de Rosabel Candal (Nós Televisión), onde respondeu a preguntas sobre a produción do filme e o impacto do movemento Bravú ao longo destes trinta anos. Durante a charla, o público non só puido coñecer de preto a traxectoria e as reflexións dun dos grandes referentes da música galega, senón tamén compartir as primeiras impresións que do documental que se poderá ver na canle de Youtube de Nós Televisión a partires do 11 de decembro.
Para pechar o evento, o coñecido por ser integrante de Os Diplomáticos de Monte-Alto, Xurxo Souto, acompañado de Manolo Maseda, deleitou ao público interpretando algunhas pezas musicais que evocaron os anos dourados do Bravú. Ao rematar, Souto prestouse a unha entrevista “pim-pom” co Xornal de Compostela, na que desvelou curiosidades como a súa predilección polo licor café de caña, cal é o seu libro favorito, o que pensa ao escoitar “Bravú” e o seu grupo galego preferido na actualidade.
Todo isto e máis no seguinte vídeo. Non o perdas!
´
