O podcast Las Hijas de Felipe, recoñecido por conectar a época barroca coa actualidade, chega a Santiago de Compostela para realizar unha gravación en directo dentro do programa do Outono Cultural da USC. O evento terá lugar o xoves 17 de outubro, ás 21.00 horas, na Igrexa da Universidade.
O podcast, conducido por Carmen Urbita e Ana Garriga, explorará nesta sesión o tema ‘O inferno: destino turístico’, mantendo o seu enfoque característico que combina historia e análise contemporánea. As entradas para o evento serán de balde e estarán dispoñibles o mesmo día a partir das 19:30 na entrada da igrexa, cun límite de dúas entradas por persoa. O acceso ao recinto será a partir das 20:45.
Este evento ofrece unha oportunidade única para os asistentes de presenciar en directo a gravación dun dos podcasts culturais máis populares, que destaca por ofrecer unha perspectiva única sobre a historia barroca e a súa relevancia na actualidade.
