InicioCULTURA(VÍDEO) O Convento de Santa Clara e o misterio detrás do pano:...

(VÍDEO) O Convento de Santa Clara e o misterio detrás do pano: o barroco compostelán

A edificación da Rúa de San Roque destaca polas súas figuras xeométricas e trátase dunhas das representacións máis destacables do barroco de placas

Publicado o

Por Marta Balado Simó

Compostela é unha cidade que destaca por ser berce de cultura, historia e arquitectura. Centos de edificios amosan esa importancia e unha das xoias patrimoniais máis destacables da cidade é o Convento de Santa Clara. Situado na Rúa de San Roque, este convento representa un dos exemplos máis icónicos do barroco de placas ou barroco compostelán. Pero, que é exactamente este estilo?

O barroco de placas é un estilo arquitectónico propiamente galego que só se desenvolveu en Santiago entre os séculos XVI e XVIII. Este estilo distínguese pola combinación de elementos decorativos xeométricos e a impoñente presenza do granito, material abundante na rexión. Simón Rodríguez, erixiuse como o máximo expoñente deste estilo e foi o artista que construíu o Convento de Santa Clara para as hermanas da Orde das Clarisas.

Nunha primeira ollada, chama a atención a singularidade da súa fachada. Tres grandes cilindros coroan o edificio, elementos que poden parecer fóra de lugar nunha edificación relixiosa desta época. Porén, estes cilindros están perfectamente integrados no contexto arquitectónico de Santiago, onde o barroco de placas destaca grazas ao seu uso de figuras xeométricas que crean un xogo de volumes, facendo que a fachada pareza desafiar a gravidade.

Arquivo – Convento de Santa Clara – Xornal de Compostela

O uso do granito nas obras de Simón Rodríguez é fundamental. Este arquitecto opta por valorar o material en si mesmo e amosar un manexo impecable deste. A disposición no retablo destas formas xeométricas engade dinamismo e forza plástica, que vai en aumento a medida que os elementos ascenden no muro da fachada.  Esta composición crea unha sensación de movemento, modernidade e complexidade que contrasta coa austeridade que adoitaban ter os edificios relixiosos do seu tempo.

Este estilo non se limita exclusivamente ao ornamental, senón que tamén reflicte o contexto social e relixioso da época. Durante o século XVIII,  Santiago viviu un período de esplendor arquitectónico grazas á revitalización do poder eclesiástico e do arcebispado tras os séculos escuros. Este renacemento permitiu a creación de novas obras monumentais que reafirmaban o poder da Igrexa e dun barroco que marcaba a identidade da arquitectura picheleira.

O máis sorprendente desta construción é a súa fachada, construída en 1719, non é a verdadeira fronte da igrexa. Trátase dun retablo arquitectónico, unha especie de falso “telón” decorativo que oculta a fachada real, moito máis austera e funcional. Esta técnica, común en moitas construcións barrocas, tiña o obxectivo de sorprender ao espectador e crear unha sensación de magnificencia, aínda que a estrutura real fose moito máis simple.

A xeito de curiosidade, existe unha tradición popular relacionada co convento: se queres evitar que chova o día da túa voda, debes levarlles ovos ás monxas de Santa Clara.

ÚLTIMAS

O Concello defende ante o IGVS a súa solicitude para declarar Santiago como zona tensionada

O concelleiro de Urbanismo, Iago Lestegás, explicou hoxe os detalles da resposta que o...

Inmobilizan un condutor en Santiago tras fuxir dun accidente contra dous coches estacionados

A Policía Local de Santiago de Compostela inmobilizou o pasado venres 25 de xullo,...

Rueda defende a súa postura sobre a migración e di coincidir co arcebispo de Santiago

O presidente da Xunta, Alfonso Rueda, rexeitou este luns sentirse interpelado polas palabras do...

Concentración diante de Muface en Santiago para rexeitar o peche da oficina o 4 de agosto

A organización sindical CIG-Ensino convocou unha concentración de protesta diante da sede de Muface...

O Teatro Principal entrega a Alba de Compostela a catro referentes locais no Día da Patria Galega

O Teatro Principal de Santiago de Compostela acolleu este 25 de xullo un dos...

Rosalía de Castro recibe unha emotiva homenaxe en Bonaval

Diversas autoridades renderon homenaxe neste venres 25 de xullo, Día de Galicia, á insigne...

Unha alfombra floral honra a Díaz Pardo na Praza da Inmaculada

Unha alfombra floral conmemora ao artista e intelectual galeguista Isaac Díaz Pardo (1920-2012) na...

LEAVE A REPLY

Please enter your comment!
Please enter your name here