Unha alfombra floral conmemora ao artista e intelectual galeguista Isaac Díaz Pardo (1920-2012) na compostelá Praza da Inmaculada, nun lateral da Catedral, con motivo das festas de Santiago.
Esta obra foi realizada pola Federación de Asociacións de Alfombristas Galegos de Arte Efémera. Foi confeccionada por 40 alfombristas galegos e ocupa unha superficie de 12 por oito metros.
O director de Turismo de Galicia, Xosé Merelles, visitou este venres, Día de Galicia, esta obra efémera, onde encomiou o traballo, que supón “un punto de visita máis para os miles de visitantes da cidade”.
