A Policía Nacional detivo a un home no aeroporto Rosalía de Casto-Lavacolla de Santiago cando se dispuña a embarcar a un voo con 600 gramos de cocaína escondidos entre a súa roupa.
Segundo informou a Policía Nacional este xoves, os axentes que realizaban labores de seguridade na terminal compostelá localizaron na zona de saídas a un home sospeitoso. O home foi trasladado á comisaría santiaguesa, onde foi sometido a un rexistro no que comprobaron que levaba unha faixa á altura do abdome cun vulto.
Nel, portaba dous paquetes envasados ao baleiro que contiñan un po branco que, unha vez analizado, resultou ser 600 gramos de cocaína. O individuo foi arrestado e quedou a disposición do xulgado de instrución de garda de Santiago.
