Movemento Sumar Galicia anunciou que trasladará ao Ministerio de Dereitos Sociais, Consumo e Axenda 2030 a información relativa á relación entre Fly2Galicia e FLYYO, a compañía romanesa encargada de operar os voos chárter que a turoperadora prevé iniciar dende Santiago de Compostela en decembro.
A formación adopta esta decisión despois de facerse públicas diversas informacións en medios de comunicación sobre a participación de FLYYO en operacións destinadas a trasladar cidadáns palestinos fóra da Franxa de Gaza. Sumar reclama explicacións tanto á empresa que comercializa as novas conexións dende Lavacolla como á Xunta de Galicia sobre as comprobacións realizadas arredor da operadora aérea.
O secretario xeral de Movemento Sumar Galicia, Paulo Carlos López, cuestionou a situación e sinalou que pode afectar á credibilidade do proxecto anunciado para o aeroporto compostelán. “Nosoutros, sinceramente, estamos flipando. Isto non é serio”, afirmou.
A organización política incide en que FLYYO non é unha empresa sen relación directa co proxecto de Fly2Galicia, xa que será precisamente a encargada de realizar os voos chárter que a turoperadora está a poñer á venda para o seu inicio previsto no mes de decembro. Por este motivo, Sumar reclama coñecer “que sabía Fly2Galicia cando contratou esta operadora”.
As dúbidas da formación parten dunha investigación da axencia Associated Press sobre Al-Majd, unha entidade que se presentaba ante cidadáns palestinos como unha organización humanitaria e que participou na xestión de varias saídas dende Gaza.
Segundo a información recollida por Sumar a partir desa investigación, detrás de Al-Majd situábase Ad Kan, unha organización israelí fundada por membros e antigos integrantes vinculados ás Forzas de Defensa e aos servizos de intelixencia de Israel.
A formación sostén que FLYYO actuou como transportista nunha desas operacións. López tamén aludiu a informacións publicadas polo diario israelí ‘Haaretz’, segundo as cales o propietario da compañía aérea, Ziv Mayberg, recoñeceu que a empresa efectuara estes traslados mediante a contratación dun axente de viaxes israelí.
A partir destes datos, Movemento Sumar Galicia considera necesario determinar varios aspectos relacionados coa organización dos voos. “Quen foi ese intermediario israelí, quen pagou os chárter e que información tiña FLYYO sobre a natureza destas operacións”, enumerou a formación entre as cuestións que considera pendentes de aclarar.
Sumar, que xa cuestionara publicamente o proxecto esta semana, decidiu agora remitir a documentación recompilada ao Ministerio de Dereitos Sociais, Consumo e Axenda 2030. O obxectivo, segundo explica, é que o departamento estatal examine as condicións nas que se están comercializando os voos anunciados dende Santiago e determine se a información facilitada aos clientes cumpre coas obrigas legais.
A formación lembra que a normativa de protección das persoas consumidoras establece a necesidade de proporcionar antes dunha contratación información suficiente e comprensible sobre as características do servizo. No ámbito do transporte aéreo, apunta ademais á obriga de comunicar a identidade da compañía que efectuará materialmente o voo.
“Queremos que Consumo comprobe se quen está a mercar estes billetes sabe con claridade con quen contrata, quen responde comercialmente, quen vai operar o voo e que garantías existen en caso de cancelación ou incumprimento”, explicou López.
A actuación anunciada por Sumar chega no contexto da futura posta en marcha do proxecto de Fly2Galicia no aeroporto Rosalía de Castro, den
Movemento Sumar Galicia anunciou que trasladará ao Ministerio de Dereitos Sociais, Consumo e Axenda 2030 a información relativa á relación entre Fly2Galicia e FLYYO, a compañía romanesa encargada de operar os voos chárter que a turoperadora prevé iniciar dende Santiago de Compostela en decembro.
A formación adopta esta decisión despois de facerse públicas diversas informacións xornalísticas sobre a participación de FLYYO en operacións destinadas a trasladar cidadáns palestinos fóra da Franxa de Gaza. Sumar reclama explicacións tanto á empresa que comercializa as novas conexións dende Lavacolla como á Xunta de Galicia sobre as comprobacións realizadas arredor da operadora aérea.
O secretario xeral de Movemento Sumar Galicia, Paulo Carlos López, cuestionou a situación e sinalou que pode afectar á credibilidade do proxecto anunciado para o aeroporto compostelán. “Nosoutros, sinceramente, estamos flipando. Isto non é serio”, afirmou.
A organización política incide en que FLYYO non é unha empresa sen relación directa co proxecto de Fly2Galicia, xa que será precisamente a encargada de realizar os voos chárter que a turoperadora está a poñer á venda para o seu inicio previsto no mes de decembro. Por este motivo, Sumar reclama coñecer “que sabía Fly2Galicia cando contratou esta operadora”.
As dúbidas da formación parten dunha investigación da axencia Associated Press sobre Al-Majd, unha entidade que se presentaba ante cidadáns palestinos como unha organización humanitaria e que participou na xestión de varias saídas dende Gaza.
Segundo a información recollida por Sumar a partir desa investigación, detrás de Al-Majd situábase Ad Kan, unha organización israelí fundada por membros e antigos integrantes vinculados ás Forzas de Defensa e aos servizos de intelixencia de Israel.
A formación sostén que FLYYO actuou como transportista nunha desas operacións. López tamén aludiu a informacións publicadas polo diario israelí ‘Haaretz’, segundo as cales o propietario da compañía aérea, Ziv Mayberg, recoñeceu que a empresa efectuara estes traslados mediante a contratación dun axente de viaxes israelí.
A partir destes datos, Movemento Sumar Galicia considera necesario determinar varios aspectos relacionados coa organización dos voos. “Quen foi ese intermediario israelí, quen pagou os chárter e que información tiña FLYYO sobre a natureza destas operacións”, enumerou a formación entre as cuestións que considera pendentes de aclarar.
Sumar, que xa cuestionara publicamente o proxecto esta semana, decidiu agora remitir a documentación recompilada ao Ministerio de Dereitos Sociais, Consumo e Axenda 2030. O obxectivo, segundo explica, é que o departamento estatal examine as condicións nas que se están comercializando os voos anunciados dende Santiago e determine se a información facilitada aos clientes cumpre coas obrigas legais.
A formación lembra que a normativa de protección das persoas consumidoras establece a necesidade de proporcionar antes dunha contratación información suficiente e comprensible sobre as características do servizo. No ámbito do transporte aéreo, apunta ademais á obriga de comunicar a identidade da compañía que efectuará materialmente o voo.
“Queremos que Consumo comprobe se quen está a mercar estes billetes sabe con claridade con quen contrata, quen responde comercialmente, quen vai operar o voo e que garantías existen en caso de cancelación ou incumprimento”, explicou López.
A actuación anunciada por Sumar chega no contexto da futura posta en marcha do proxecto de Fly2Galicia no aeroporto Rosalía de Castro, dende onde a empresa pretende comercializar voos chárter a partir de decembro operados por FLYYO.
SUMAR TAMÉN RECLAMA INFORMACIÓN Á XUNTA
A formación política estendeu as súas peticións de explicacións á Xunta de Galicia e reclama coñecer que comprobacións realizou a Administración autonómica sobre a empresa encargada de efectuar os voos.
Sumar reprocha ao Goberno galego “aparecer cando se anuncian novas conexións e desaparecer cando xorden as preguntas” e considera que debe aclarar a información da que dispón sobre o proxecto.
“Queremos saber que documentación pediu, que información recibiu sobre FLYYO e se comprobou os antecedentes da compañía que realmente vai operar os avións”, manifestou Paulo Carlos López.
O secretario xeral de Movemento Sumar Galicia sostén que a Administración autonómica debe dar resposta a estas cuestións ante a relación directa entre a compañía romanesa e os voos que se pretenden comercializar dende Santiago. “A Xunta non pode dicir que isto non vai con ela”, concluíu.
