O grupo de traballo LGBTIQ+, dependente do Consello Municipal de Igualdade, comezou xa os labores de preparación dos actos con motivo do Día do Orgullo, que en Santiago de Compostela se celebrarán durante a fin de semana do 27 e 28 de xuño.
A posta en marcha deste proceso produciuse nunha reunión celebrada esta semana, na que participou a alcaldesa de Santiago, Goretti Sanmartín, xunto coa directora de área e a responsable do Centro de Información á Muller (CIM). No encontro abordouse a planificación inicial das actividades e recolléronse propostas e suxestións co obxectivo de configurar a programación correspondente ao ano 2026.
Este grupo de traballo actúa como espazo de coordinación e participación para avanzar na definición das iniciativas vinculadas á celebración do Orgullo, unha cita anual que busca visibilizar a diversidade afectivo-sexual e de xénero e promover accións de sensibilización no ámbito local.
