A Polícia Local de Santiago de Compostela informou de oito incidencias entre as 6,45 deste martes e as 7,15 deste mércores, varias delas por mor dos temporais que están a xerar dificultades na comunidade galega.
Segundo trasladou, os bombeiros acudiron ou foron notificados pola aparición de dúas bolsas de auga por mor das fortes choivas que afectaron á circulación debaixo da ponte do ferrocarril na rúa das Estrelas e na avenida Burgo das Nacións.
Así mesmo, avisaron de tres desprendementos na cidade compostelá: un de terra nunha leira de Figueiras que afectou un sentido da circulación, un teito desprendido dunha fachada na rúa Carreira do Conde e unha parte dun noiro dunha vivenda na rúa Ramón Baltar.
Con todo, a Policía Local tamén informou de dúas caídas de postes do tendido telefónico en Silvouta e na rúa do Río de Arriba, así como unha inspección realizada de maneira conxunta cos bombeiros nun edificio da rúa Curros Enríquez polo desprendemento dalgunhas tellas.
