As estatuas dos profetas Abraham e Isaac, atribuídas ao Mestre Mateo e pertencentes ao Pórtico da Gloria, están xa de volta en Santiago de Compostela. A recepción oficial celebrase esta tarde na Ala Sur do Museo do Pobo Galego, nun acto encabezado pola alcaldesa Goretti Sanmartín. Acompañarana a tenenta de alcaldesa, María Rozas, a concelleira de Capital Cultural e Memoria Histórica, Míriam Louzao, e a presidenta do Padroado do Museo do Pobo Galego, Concha Losada.
A chegada das esculturas materializa un proceso longo no que o Concello traballou para recuperar estas pezas históricas, tras seren confirmadas como de titularidade pública pola xustiza. O goberno municipal iniciara no verán os trámites para a súa recollida e para garantir a súa conservación nun espazo adecuado, primeiro de maneira provisional e máis adiante cun destino permanente cunha exposición acompañada de información contextual.
