O Tribunal Superior de Xustiza de Galicia (TSXG) desestimou o recurso presentado polo home condenado a nove anos e medio de cárcere por acoitelar á súa parella o día 13 de decembro de 2023 no barrio compostelán de Concheiros.
Nunha sentenza con data do 4 de novembro e da que informou este mércores o TSXG, o alto tribunal galego desestima o recurso presentado polo home contra o fallo ditado pola Audiencia Provincial da Coruña, que condenou ao home a 9 anos e seis meses de prisión por un delito de homicidio en grao de tentativa e impúxolle a prohibición de comunicarse coa vítima e o seu tres fillos durante un período de 19 anos.
Conforme lembra a sentenza, os feitos tiveron lugar na madrugada do 13 de decembro de 2023 no barrio compostelán de Concheiros. Alí, o condenado, un home de nacionalidade estranxeira, atacou no seu domicilio á muller cun coitelo.
A vítima fuxiu pola xanela da vivenda, na que tamén estaban o seu tres fillos, e foi socorrida na rúa por un transeúnte. Contra o fallo cabe recurso de casación ante a Sala Segunda do Tribunal Supremo.
