InicioM. AMBIENTE E PATRIMONIOSumar pide frear o proxecto de Altri en Palas e alerta do...

Sumar pide frear o proxecto de Altri en Palas e alerta do seu impacto no Camiño de Santiago

Verónica Martínez critica a Rueda por "inventar unha Galicia do século XIX" e apoia o rexeitamento social á planta de celulosa

Publicado o

Xornal de Compostela

A portavoz de Sumar no Congreso, Verónica Martínez Barbero, declarou este venres en Santiago que o proxecto industrial de Altri en Palas de Rei constitúe un “atentado” contra a saúde pública, o medio ambiente e os sectores produtivos do rural. Fíxoo nunha comparecencia ante os medios nas inmediacións do complexo administrativo da Xunta, onde acusou ao presidente Alfonso Rueda de “inventar unha Galicia do século XIX que non existe”.

Barbero afirmou que o rexeitamento a esta macroplanta de celulosa, promovida pola empresa portuguesa Altri xunto a Greenalia, é común a todas as frontes de Sumar, tanto no Congreso, como en Europa e desde os ministerios que coordina a coalición. Nesta liña, anunciou que o ministro de Cultura, Ernest Urtasun, enviou esta mesma mañá unha carta ao presidente da Xunta para advertir do impacto que podería ter o proxecto no Camiño de Santiago, declarado Patrimonio da Humanidade pola Unesco.

Segundo explicou, a misiva, escrita en galego, subliña que non se poderá colocar “nin unha soa pedra” sen contar co informe do órgano consultivo da Unesco, dada a proximidade do emprazamento ao trazado do Camiño. Tamén recolle a preocupación do Goberno estatal ante a “ameaza para o turismo, o sector primario, a saúde da poboación e os ecosistemas”.

Durante a comparecencia tamén interveu a eurodeputada Estrela Galán, quen instou á Xunta a escoller entre “estar coa xente ou coas elites empresariais”, e sinalou que se está a impulsar unha acción na Comisión Europea para frear o proxecto. Galán cualificou Altri de “aberración ambiental” e criticou que se ignore o forte rexeitamento social xerado.

A xornada de Sumar en Galicia inclúe visitas á comarca da Ulloa, onde se reunirán coa plataforma Ulloa Viva, e aos concellos de Touro e Noia, para manter encontros con colectivos en defensa do territorio e contra proxectos extractivos. Segundo o secretario xeral de Movemento Sumar Galicia, Paulo Carlos López, estas visitas buscan coñecer “de primeira man as consecuencias que pode ter o apoio da Xunta a este tipo de iniciativas industriais”.

Ademais, López anunciou que este sábado comezará a campaña ‘Traballar menos, vivir mellor’, coa que a formación pretende impulsar a redución da xornada laboral. Segundo sinalou, esta medida beneficiaría en Galicia a 600.000 persoas, o que suporía liberar “6 millóns de horas ao mes para investilas no que queremos”.

ÚLTIMAS

Decenas de persoas arroupan a Leonor ao recibir a Medalla de Galicia

A princesa de Asturias, Leonor de Borbón, recibiu este luns a Medalla de Galicia...

O goberno local aproba o alleamento de catro parcelas destinadas a vivenda protexida: nas Cancelas, na Muíña e en Traspaxonal

A xunta de goberno acordou o alleamento, mediante concurso cun procedemento aberto, de catro...

Caída estrepitosa de pasaxeiros en Lavacolla: perde máis de 200.000 no primeiro semestre do ano

O aeroporto de Santiago rexistrou unha perda de máis de 200.000 pasaxeiros (-13,5 %)...

Cine ao aire libre na Alameda: unha semana de lembranzas, comunidade e mocidade baixo as estrelas

Baixo as estrelas de Compostela, e agradecidos por unha noite sen choiva, moitísimas persoas,...

A marca de bolsas e mochilas da USC aposta pola sustentabilidade por ser realizadas con lonas das súas exposicións

A Universidade de Santiago de Compostela (USC), presentou a súa nova marca de produtos...

As estatuas do Mestre Mateo volverán a Santiago: os Franco acatan a orde do Supremo

Os Franco asumiron de forma "voluntaria" a condena imposta polo Tribunal Supremo para restituír...

Aparece un grafiti no arco do Pazo de Xelmírez, pegado á Catedral de Santiago

Aparece un novo grafiti no arco do Pazo de Xelmírez, construción apoiada no custado...