Xosé Manuel Piñeiro, máis coñecido como Superpiñeiro, reuniu este xoves a familiares, amigos e veciños na súa vila natal de Allariz, onde se celebrou un sentido funeral na igrexa de Santiago para darlle o derradeiro adeus. O presentador faleceu onte aos 67 anos tras anos de loita contra un mieloma múltiple que interrompeu, mais non apagou, unha carreira que o converteu nun símbolo da Televisión de Galicia.
A esquela publicada en ‘La Región’ resume o agradecemento mutuo entre Piñeiro e a súa audiencia: ‘Moitas grazas, querida parroquia, por todos estes anos de felicidade’. Estas palabras, que reflicten o seu estilo directo e afectuoso, destacaron entre as múltiples homenaxes que enchían as redes sociais desde o anuncio da súa morte.
ALGUNHAS MENSAXES DE DESPEDIDA EN ‘X’
Xabier Cid, escritor e xornalista, recoñeceu publicamente o impacto que Piñeiro tivo máis aló das pantallas:
‘Nunca lle dixen a SuperPiñeiro que, pra un rapaz de 15 anos, ter un pedagogo no insti que era marica e artista da tele foi algo moi wai e moi divertido, e que el foi máis exemplo do que quizais pensou nunca’.
Nunca lle dixen a SuperPiñeiro que, pra un rapaz de 15 anos, ter un pedagogo no insti que era marica e artista da tele foi algo moi wai e moi divertido, e que el foi máis exemplo do que quizais pensou nunca.
Esas cousas hai que dicilas antes de que sexa demasiado tarde.
— Xabier Cid (@xabitubbi) January 22, 2025
No mundo do entretemento, a actriz Diana Nogueira definiu a súa perda como persoal:
‘Partiu unha estrela moi especial para min… meu mestre, meu amigo. Grazas por tanto, Pi!’
Partiu unha estrela moi especial para min… meu mestre, meu amigo.😔
Grazas por tanto Pi !💫🖤
Asinado: a túa Dianita.#amizade #mestre #compañeiro #comunicación #prensa #presentador #dep #superpineiro #xosemanuelpiñeiro #supermartes #tvg pic.twitter.com/kmeQqeTLH2— Diana Nogueira (@DianaNogueiraTV) January 22, 2025
Paco Lodeiro, compañeiro na TVG, destacou o impacto do ‘Supermartes’, o programa que marcou unha xeración:
‘Os martes foron supermartes felices grazas a Superpiñeiro, entretedor maiúsculo do país.‘
Está foto é dun martes feliz do século pasado.
Na @crtvg os martes foron supermartes felices grazas a Superpiñeiro entretedor maiúsculo do país, que amou e á súa parroquia, na radio, na tele, cantándolles, escoitandoos…
Onte, martes, tiña que cadrar Martes… Eterno π pic.twitter.com/3ChszKN71f— Paco Lodeiro (@PacoLodeiro) January 22, 2025
Piñeiro non foi só unha figura pública. Foi un exemplo de compromiso coa cultura galega e coa lingua, como se viu na súa intervención en 2009 contra unha marcha galegófoba. Ese momento foi lembrado por moitos en redes sociais como un dos seus máis icónicos, representando o orgullo e a defensa da identidade galega:
Monumental zasca de Xosé Manuel Piñeiro na #TVG aos manifestantes galegófobos da marcha do odio do 8/2/2009 en Compostela (entre os cales estaba Alfonso Rueda).#Superpiñeiro que a terra che sexa leve.
👉Isto na TVG de hoxe non sería posíbel.#DefendeAGalega pic.twitter.com/9FreSp49SW
— seredaico (@seredaico) January 22, 2025
O RC Celta de Vigo tamén quixo recoñecer a súa relevancia:
‘A familia celeste únese á dor polo pasamento de Xosé Manuel Piñeiro. Un profesional comprometido co noso idioma e todo un emblema da comunicación galega’
A familia celeste únese á dor polo pasamento de Xosé Manuel Piñeiro.
Un profesional comprometido co noso idioma e todo un emblema da comunicación galega.
Descansa en paz, Superpiñeiro 🖤 https://t.co/C9EhJFt5FC pic.twitter.com/NTczG8464G
— RC Celta (@RCCelta) January 22, 2025
A súa morte deixa un baleiro que transcende a televisión. Pepe Capelán, outro dos seus compañeiros, foi conciso pero emotivo:
‘Déixasnos para ser eterno. Grazas por todo. Ata sempre, Pi’.
Déixasnos para ser eterno. Grazas por todo. Ata sempre, Pi. #Piñeiro #SuperPiñeiro #Supermartes #Bamboleo pic.twitter.com/HfoXvrgQ5h
— Pepe Capelán (@PepeCapelan) January 22, 2025
Errepé destacou as múltiples cualidades humanas e profesionais de Superpiñeiro, reflectindo o impacto que tivo na sociedade galega:
‘Boa persoa, intelixente, carismático, polifacético, profesional, decente, humilde, cordial, solidario, amable, honrado e grande alaricano e ourensán, ao que tiven a honra de coñecer. Prematura e fonda perda para o corazón do País’.
Boa persoa, intelixente, carismático, polifacético, profesional, decente, humilde, cordial, solidario, amable, honrado e grande alaricano e ourensán, ao que tiven a honra de coñecer. Prematura e fonda perda para o corazón do País:#Piñeiro #Superpiñeirohttps://t.co/pFkm8rUaFZ https://t.co/CyrZoe3dyY pic.twitter.com/XhRQsbSfSy
— Errepé 🇪🇺 🇩🇰 🇺🇦 🇵🇸 (@marcosrodp) January 22, 2025
Grey de Dios, cun toque de nostalxia e admiración, recordou a influencia de Superpiñeiro mesmo no mundo musical:
‘E os cantantes de rock & roll querían ser ti’.
E os cantantes de rock & roll querían ser ti. #Superpiñeiro pic.twitter.com/5x7HCejVmG
— Grey de Dios (@PastordeLaGrey) January 22, 2025
Desde o humor, a conta @FaladoiraLercha imaxinou unha programación ficticia da TVG dedicada ao presentador, chea de recoñecemento e agarimo:
‘Ás 14:00 Adeus, SuperPiñeiro, Adeus. Ás 16:00 especial de Xosé Manuel Piñeiro, vai por ti. Ás 18:00 O mellor dos Supermartes. Ás 20:00 SuperPiñeiro o máis grande. Ás 22:00 TVG sempre te lembrará, Xosé Manuel’.
Ás 14:00 Adeus, SuperPiñeiro, Adeus
Ás 16:00 especial de Xosé Manuel Piñeiro, vai por ti
Ás 18:00 O mellor dos Supermartes
Ás 20:00 SuperPiñeiro o máis grande
Ás 22:00 TVG sempre te lembrará, Xosé Manuel pic.twitter.com/w4bna9OsTQ— 🤠 (@FaladoiraLercha) January 22, 2025
Carlos F. Amado, facendo referencia á versatilidade de Piñeiro, destacou o seu legado como mestre e o seu humor nos momentos máis recentes:
‘Fuches un mestre do que aprendemos todos. Grazas polo teu cariño, pola túa xenerosidade, Pi. Quedo cos momentazos que nos deches no Twitch, comentando a final do Benidorm Fest, sacando as uñas polas Tanxugueiras. Recordarémoste sempre, Xosé Manuel Piñeiro!’
Fuches un mestre do que aprendemos todos. Grazas polo teu cariño, pola túa xenerosidade, Pi. Quedo cos momentazos que nos deches no Twitch, comentando a final do Benidorm Fest, sacando as uñas polas Tanxugueiras. Recordarémoste sempre, Xosé Manuel Piñeiro! pic.twitter.com/RtmD3gn9Yh
— Carlos F. Amado (@CarlosAmadoTV) January 22, 2025
ALAS A Coruña, asociación de visibilidade LGTBIQ+, recoñeceu a súa contribución á diversidade e á cultura galega:
‘Con fondo pesar dicimos ata sempre a un gran comunicador e exemplo de visibilidade, o noso benquerido, Xose Manuel Piñeiro. Foi todo un pracer recibir xuntxs o premio da Fundación Insua dos Poetas no 2020 no Carballiño. Voa alto!’
Con fondo pesar dicimos ata sempre a un gran comunicador e exemplo de visibilidade 🏳️🌈, o noso benquerido, Xose Manuel Piñeiro.
Foi todo un pracer recibir xuntxs o premio da Fundación Insua dos Poetas no 2020 no Carballiño.
Voa alto! 🌈🕊️ pic.twitter.com/70zegSzAAs
— ALAS A Coruña (@alasacoruna) January 22, 2025
Hoxe, mentres os seus restos eran incinerados na intimidade familiar, milleiros de galegos lembran ao pedagogo que se fixo estrela da pequena pantalla e que, dende Allariz, conseguiu entrar en cada fogar. Superpiñeiro, máis alá das luces do escenario, queda como un dos imprescindibles na historia recente de Galicia.
