A Policía Nacional coordina un dispositivo de procura para atopar a Jesús Rodríguez, un veciño de 82 anos de Laraño, en Santiago, que leva desaparecido desde a tarde do xoves.
Segundo informan a Europa Press fontes do corpo, nas últimas horas presentouse a denuncia e permanece activado un “amplo operativo” no que participan a Unidade de Seguridade Cidadá, o helicóptero, guías caninos e Protección Civil.
A Asociación de Veciños A Xunlla de Laraño publicou en redes sociais unha fotografía do home e advirte que padece párkinson e que pode estar desorientado. A última vez que o viron vestía un pantalón azul e unha sudadera verde.
